Krista akuitīr
4
1 Hasika han koini hi Krista hasōndom le Pathian chongrīl ānthup aenpu anga mīn na mandon rase.
2 Tukareng hiva aenpu ding muna a om chu a-iam rua ei nāng manlang rase.
3 Nangnīn mo ka rui na ril u miringin mo aril hava ha itē be makung.
Asik chu koi ka ning lena rui anril ni makung.
4 Ka ninga hin chu itē kei siatna anriat makung.
Tenchu hava kei ti sika han asat kei anlō ti na ni mak.
Ka chunga rui arilpu chu Puma ani na.
5 Hasika han Puma ahong māseng,
hun ei ruat ahong asuak māseng tutē ruiril u nō ro.
Hava hun tika amān azīnga ānthup a om ngāi dōra ra-ānga hong manlang inti.
Miring malung sūnga athō rang ei zōt dōra hong manlang inti.
Hava tika mi tinin Pathian kōm āta anpākna man unti.
6 Unāi ngāi,
nangni ngāi nei sa thei u na ranga kēng koi le Apollo ruia ankhīna manga chong kei ril ani na.
Pathian lekhabu ānthianga anziak varāl nōka andonna nei dōn thei u na ranga.
Nangnīn angkhat chunga angkhatin chongpāk ansalna thō u nō ro.
7 Nangni nei tei u na tu mo ana sin pe u?
Hanūk chu imo nei man u nōk a om?
Nei man sua aniten ichanga mo man lui anga chong alian nei la ril chian?
8 Atun chu ākhop sua kēng na ni u zei do.
Ānei kēng na ni u zei do.
Koini nāng luia rēng anga anlal kēng na ni u zei do.
Rēng anga nei anlal tatak u rang hi kei na zōt u ani na.
Koinīm na bil u na nei anlal theina ranga anlal u ro.
9 Koini kuitīr ngāi hi andāina ahek khīt nikhuana mi en ranga Pathianin ei na phun ranga ka iam.
Koini ngāi hi athi ranga anphal sua ang na ni.
Asik chu maniapūr pumpui ranga,
vānpalāi ngāi le miring ngāi mit muna lām ina athīr rua anga ei na sin ani na.
10 Koini chu Krista sika āmo anga nei anlō ani na.
Nangni chu Kristana ahian anga nei anlō u.
Koini chu arāt nōk anga nei anlō.
Nangni chu arāt anga nei anlō u.
Nangni chu lalchi dōn anga nei anlō u.
Koini chu lalchi bui anga nei anlō ani na.
11 Atun ten pei hin vonchām le tīnrāla,
puanchōi buia nei om ani na.
Mīn akut le ei na rachum u ani na,
omna mun abuia chei nei anvāi ani na.
12 Koinīn na kut ngēt le sin nei thōna nei pōng ani na.
Mīn khomāk ana sam le koinīn bōrsāng nei pēk.
Mīn anasinsak le koinīn tiar thei luia nei tiar ani na.
13 Mīn mualphui ana sak le,
lungngamna chong nei ril chachak ani na.
Avian ten peia hin hi maniapūr ranok le mitin ranga alom peia matīr aruaia nei om ani na.
14 Nangni ngāi anzakna ana pēk ranga ni mak kei maziak,
tenchu ka nāi madit nei ni u sika kei na rakōk u na chong kēng.
15 Nangnīn Krista ranga anānchu u asāng sōm pei na dōn thei u,
hanum nisela pa chu ātampa dōn u mak che.
Asik chu Krista Isua thang ahui zāra ka nāi mazir kēng na ni u.
16 Hasika han koi ka om alāk ranga hin lungngām kei na sak u.
17 Hiva sika hin ka nāi pasal madit le Pumana aiamrua Timothi hi na kōm u na kei hong tīr.
Amān Krista Isua le anmun ka om dān ngāi dōra hontin mo mun tina le kuibing tina kei manchū chachak ngāi ha aloma na hong manriat kiar unti.
18 Nangni kōma kei sē lāi nōk rang ti andonna nei dōn u sika na kār u na senkhakhat chu borāi alei thō ani na.
19 Tenchu Puma azōt ten anrapa na kōm u na sē ka ti.
Hava tika chu borāi athei ngāi ha achong ril u rong ni mak tenchu ei rāt u na ngāi um hong riat ka ti.
20 Pathian ram chu chong duai le ni mak,
tenchu hava ha rātna le kēng.
21 Hova mo nei zōt u?
Na kōm u na rāimol le mo kei hong rang ole anditna le malung annuai achōia mo kei hong rang?