Paul rakuangpuia
Rom khopui apan
27
1 Rakuangpuia anveia Itali rama koini nei pan rang chong amasat sua u le,
Paul le atei ankhum ngāi senkhat ngāi ha sipai raza ruaipu khat araming Julias kōma abetōk u na.
Rēng Augusta sipai ruala sipai raza aruaipu ani na.
2 Hatuka Adramuttini khuana rakuangpuia koinīm na chuanga.
Hava rakuangpui ha Asia ram tipuilian makapa mun a om dōra ei
pal rang ani na.
Tipuilian kāra nei antol ani zei.
Hatuka Thessalonika khuana Aristarka,
Makedonia rama mi chu koini bila om ani na.
3 Zīng khuavāra Sidon
khuana na vānbena Julias chu lungkhamna lehan Paul a ompuia.
Ama ei nāng dōra ei zōn thei u na ranga amal ngāi bila anchel rang aphala.
4 Havan āta tipuiliana nān vei rēta.
Tenchu thīnthi na maton changa alei om sika Kupra mualanlān rali songa nei anvei.
5 Hatuka Kilikia ram le Pamphulia ram adēp tipuilian makapa tipuilian anzara nei anvei ani na.
Hatuka Lusia ramte sūnga Muira khuana tiang nān veia.
6 Hava muna han sipai raza aruaipu han Aleksandria khuana rakuangpui khat Itali ram apan rang chu amuna.
Hava han koini ana manchuanga.
7 Hatuka nikhua sōtpa zām zām ati na nān veia Knidas khua kōla tirakham chu antak chunga na vatung theia.
Thīnthin ei na khār sika ala anvei thei mak mena,
Salmoni khua radīna Kret mualanlān rali song nei anvei ani na.
8 Antak chunga hava rauap chu nān veia mīn Rakuang Munhui ei ti u muna nānbe na.
Hava mun ha Lasai khua kōl ani na.
9 Hatuka hun asōtpa athenga asē sua ani zeia,
hasika han rakuangpuia anvei um anchīna a om a.
Asik chu bu ngoina pānta nikhua ha anlēn sua zei ni.
Hasika han Paulin amāni ranga anrēng chong arila.
10 Amān ati na:
“Mi ngāi,
atun rakuangpuia nei anvei rang hi achān antak ranga ka mu zei.
Rakuangpui sūnga neinun ngāi le rakuangpui rong ni mak nei machān ranga anchi om tenchu koini nei damna len um na machān thei ti hi anchi om,”
ati na.
11 Tenchu sipai razaruaitu hān Paul ahē nēk ten,
rakuangpui aveipu le rakuangpui pumapa hē chu sipai razaruaitūn aiam uala.
12 Asik chu hava rakuangpui anbena mun ha nūdina a om ranga chu ei ansūk nōk sika ātam riain chu nei lān vei sa ranga ama sūk u na.
Asik chu Phoinik khuana avatung zāma hava han nūdin amang ranga ei sabei u ani na.
Phoinik khua chu Kret mualanlāna rakuangpui mun khat ani na.
Hava ha mār tāklam le sim tāklam māi athak rit ani na.
Phāivua anrikpa ei hong rui
13 Hatuka sim thīnthi chu ahong phiaphiai le chu aderdīn u ha asuak u zei ti anriat u na rakuangpuia zīngzir chu asūt u na Kret mualanlān rakham kokōla anvei u na.
14 Tenchu hun la sōt rei mak mualanlān tiang āta phāivua anrikpān ahong suk u na.
Hava phāivua anrikpa ha achong u na “Euroklaidon” ati u na.
15 Hatuka rakuangpui chu phāivuan ahong suka.
Thīnthi tianga maton nei song thei lāi nōk sika nei mathān rak ani zei.
Hatuka thīnthin ana vei titira.
16 Hatuka Kloda ei ti u mualanlān asīnte rali songa na tāna antak sabak chunga ansanna rakuangte chu na mazōk zām theia.
17 Hatuka ansanna rakuangte chu chung na makhal suale rakuangpui athuai tiang riza lehan akhit u na.
Hatuka Surti ei ti u suaranthang muna phil avasuk rang ei chi u sika rakuangpuia puan anzar chu amasum u na.
Hatuka thīnthin ana malīm titira.
18 Hatuka zīng khuavāra chu phāivuan ei na suk sabak sika rakuangpuia neinun aliak ngāi ansul aphut u na.
19 Hatuka nīnthum changnana chu koini na kut len le rakuangpuia tinratua ngāi chu nei pei ani zei.
20 Nikhua tampa chu ani mēl le ārsi ngāi um anlang mak.
Phāivua chu ei lānrik chian ani na.
Nei damna azōk rang reng chu ansabeina nei dōn lāi nōk ani na.
21 Hatuka mi ngāi ha alom u na nikhua tampa bu nēk luia ei om u sika Paul chu amāni lāi āta andinga:
“O mi ngāi,
Kret mualanlān āta rakuangpui ha nei vei u nōk ranga chong ani na.
Hatuka chu hiva āsiat akui,
anpei anmāng hi ei bui ranga chong ani na.
Hava kei na manthei u ha nei tel u ranga chong ani na.
22 Atun um nisela malung arāttita a om ranga kei na mathēm u.
Asik chu tutēn nei dam u na machān u nō ta ni.
Tenchu rakuangpui rong kēng koinīn nei machān rang.
23 Asik chu avian zāna han Pathian vānpalāi khat ka kōla ahong andinga Ama ta kei ni le ama dorbo kei dom babang Pathian kōm āta ahong ani na.
24 Amān ka kōma:
‘Paul,
achi nō ro,
Kaisar maton nei la vānding ngēt rang ani na.
Hanūk chu en ro,
rakuangpuia miring nei anveipui ngāi dōra ei dam u na ranga Pathianin ei na pēk kēng,’
ati na.
25 Hasika han mi ngāi,
na malung manrāt u ro.
Asik chu Pathian ka aiam,
amān ei na ril ang taka ei chuk rang kēng.
26 Tenchu mualanlān angkhat peia chu nei vānbe rang anāng,”
ati na.
Rakuangpui ei siatna rui
27 Zān sōm lei manli changna zāna Adria tipuiliana thīnthīn ana lamalīm chiana.
Hatuka zān chim ripa chu rakuangpui avei ngāiin hova mun khat leka mo ahong asuak kēng na ni zei ati na amandon u na.
28 Hatuka ti ei anthūk amankhi u na,
phut raza khat sōm anni anthūk ani ti ariat u na.
Hanūk chu asē ual u le amankhi rēt u na,
phut sōm akua anthūk ani ti ariat thei u na.
29 Asik chu lungpui vasuk lam ving mani ati na aratha ei ta u ani na.
Hasika han rakuang nūk tiang āta thīrchingki manli amasul u na.
Hatuka khua vār rang chu amaruang u na.
30 Hatuka rakuangpui avei ngāi chu ārot rang ei zōt u sika han rakuangpui alu tianga thīrchingki ansul rang om athō u na.
Tenchu sanna rakuangte kēng tipuiliana ei masul zēt u na.
31 Hatuka Paulin sipai raza aruaipu le sipai ngāi kōma:
“Hiva avei ngāi hi rakuangpuia a om chian u nōk ten,
nangni bila tutē azōk rang rang thei om u mak che,”
ati na.
32 Hankēng sipai ngāiin sanna rakuangte khitna ri chu a āt pita amāk u na.
33 Hatuka anrapa khua ahong avār rang vit le Paulin mi ngāi kōma nēk sāk athō lak u ranga achālaka amathēma.
Amān:
“Aviana lehin ni sōmleimanli ei changna nikhua ani zei,
itē nēk sāk abuia lunghāng chunga nei ngāk chian u.
Itē nēk sāk thō u mak che na.
34 Hasika han nēk sāk athō lak ranga achān kei na mathēm u ani zei.
Asik chu na taksa damna ranga hava ha nei nāng u ani na.
Nangni bila tutē na luna sam sangkhat ngal anpei rang om u mak che,”
ati na.
35 Hava ngāi aril suale amān ruti alāk laka lokō matona Pathian kōm rāisān chong amantunga.
Hatuka hava ha akhiaka asāk rang aphut u na.
36 Hava chong hān alom u na ranga lungngamna apēka,
hatuka amānīm ruti asāk
raza anni sōmsari aruk na ni.
38 Hatuka akhopa anēk sua u le atā bosota ngāi chu tipuiliana ansul rang aphut u na rakuangpui chu ei manzāng bet u ani na.
39 Hatuka sūn ahong avār suale hava mun ha araming riat u lāi mak.
Tenchu tipui kōla balichāng omna mun khat amu u na.
Athōthei u ten,
rakuangpui chu balichānga avabē ranga ama suk u na.
40 Hatuka rakuangpuia thīrchingki dōra a-āt u na tipuia amāk u na.
Hava bibila rakuangpui veina atizāp ankhitna riza asūt u na.
Alu tianga puan anzār chu thīnthin ei veina changa azar u na.
Rakuangpui chu balichāng tiang maton amansong u na.
41 Tenchu tipuilian ei anchunna asua anni ei omna taka tipui sūnga lung apo khatin rakuangpui chu aman ōk tita.
Hasika han rakuangpui alu chu sīngansa thei lāi mak.
Kiang khat tiang rēta anūk tiang āta tiduar ansokin ei hong suk sika akui rang ani zeia.
42 Hatuka ankhum mi ei ruai u ngāi ha ti anliaia azōk lam ving u ngāi ati na sipai arung ngāiin athatna ranga amansūk u na.
43 Tenchu sipai raza aruaipu hān Paul chu andam rang ei zōt sika hava ei mansūk u anga athō ranga ei khār ani na.
Hatuka ti anliai thei dōra chu rakuangpui āta antōm mānsana anliaia