Saul amalung anthūl
9
1 Tenchu hava lāi han Saul chu Puma zolāi ngāi chunga rathatākna le athatna apūt chiana,
chāizūng ulian ngāi kōma asēna.
2 Hatuka hava iamna lampui azī ngāi ei mu tak pei chu nupang pasal asūra ankhit chunga Jerusalem khopuia ei ruai theina ranga Damaska khuana anchunna in ngāi kōma phalna lekha avazonga.
3 Hatuka hintin hin ani zeia.
Lampuia asē lāi tak han Damaska khua avasuak rang vitle,
anlāiseka khuanlek aphuazeka ra-āng,
anvān āta aravēl ahong ēl raka.
4 Hatuka ama chu phila anbok raka hiva chong hi ariata:
“Saul,
Saul,
ichanga mo nei na sinsak chachak?”
ati na.
5 Hatuka amān:
“Puma,
tu mo na ni?”
ati na.
Pumān:
“Koi nei na sinsak chachak,
Isua ka ni.
Na nūk tianga sunrol anzum anpir chu na ranga ana kēng,”
ati na.
6 Hasika Saul chu annōka,
arathātana:
“Puma,
hong mo nei na thō ranga nei zōt?”
ati na.
Pumān akōma:
“Anthui tānla,
khopui sūnga valūt ro.
Hatuka nangin imo nei thō rang hava ha mi angkhatin na lei ril inti,”
ati na.
7 Ama bila ei ruai ngāi chu chong thei luia anding chian u na.
Hē chu ariat u na tenchu tutē ei mu om mak.
8 Hatuka Saul phil āta anthuia amit amalonga,
tenchu tutē ei mu om mak.
Hatuka akut asūra ama ruai u na,
Damaska khua tianga aruai u na.
9 Hatuka ama chu nīnthum pei amit azīnga,
Hantin han itē nēk sāk luia bungoia a om a.
10 Hatuka Damaska khuana han araming Anania ati na zolāi khat a om a.
Pumān akōma ramang anga ahong anlanga:
“O Anania,”
ati na ahong pāia.
Hatuka amān:
“Enta,
Puma,
hivan ka om,”
ati na.
11 Pumān akōma:
“Anthui tānla,
Lampui anzīk ei ti u lampui tianga sē ro.
Hatuka Juda ina han Tarsa khuana mi araming Saul chu vathūn ro,
asik chu enta,
amān bōr alei zong lāi tak ani na.
12 Amān ramang anga anrālna han mi khat araming Anania chu ina ahong alūta,
amit ei manvār theina ranga achunga akut ahong bānga alei mu zei,”
ati na.
13 Hatuka Ananian amasanga:
“Puma,
hiva mi rui hi mi tamtak kōm āta ka lei riat zeia,
Jerusalem khopuia na mīnthiang ngāi chunga voi ituk mo asa nōk ei thō ani zei ti ka riata.
14 Hiva muna nang na raming apāi ngāi dōra ankhit ranga chāizūng ulian ngāi kōm āta ningneina aman kēng ani zei hile,”
ati na.
15 Tenchu Pumān:
“Sē pei ro,
asik chu ama hi Jentail ngāi le arēng u ngāi,
hanūk chu Israel nam ngāi kōma ka raming anput ranga mangruana kei thang sua kēng ani zei.
16 Hanūk chu ka raming sika voi ituk zāt mo antakna ei tiar rang ha manmu ka ti,”
ati na.
17 Hasika han Anania chu asēna,
ina avalūta.
Saul achunga akut avabānga:
“Ka parual Saul,
Pumān ana hong tīr,
lampuia na sē lāia na kōma anlang ha Isua ani na,
nang na mit ei vār theina rang le Ratha Ānthianga nei bit theina ranga na kōma ei na hong tīr,”
ati na.
18 Hatuka anraptena amit āta hong zāt lip khat ang mo aphua zek achula,
amit ahong avār pe rēta.
Hatuka anthuia Ananian baptisma apēka.
19 Hatuka nēk sāk athō suale chu ranak ahong dōn rēta.
Damaska le Jerusalema Saul
Damaska khuana zolāi ngāi bila nikhua tōmte a om a.
20 Hatuka ama chu anchunna in tina han Krista hi Pathian Nāi Pasal ani ti Pathian chong aril aphut tir lena.
21 Ama achong ariat ngāi dōra chu achālaka aboi adong u na:
“Asik chu ama hi Jerusalem khopuia Isua raming apāi ngāi chunga ansiatna athō chachak ha ni mak mo?
Hiva ngāi akhita chāizūng ulian ngāi kōma aruai ranga hiva hin ahong kēng hile,”
ati u na.
22 Tenchu Saul ahong arāt riama.
Hanūk chu hiva Isua ngēt hi Krista tatak ani ti anthiang vanga amanlang.
Damaska khuana Jihudi a om ngāi chu tutē ansang thei om u mak.
23 Atun chu hintin hin ani na,
nikhua tam atheng suale,
ama thatna ranga Jihudi ngāi chu rui amansūk u na.
24 Tenchu arui mansūk u ha Saulin alei riata.
Ama ei that thei u na ranga asūn azāna khopui rakul suakkhār chu angāk chian u na.
25 Tenchu zolāi ngāiin zāna arazōn u na kok alianpa lehan khopui ankulna bang tianga amasum u na.
26 Hatuka Jerusalem khopuia Saul avatung le zolāi ngāi bila anchel rang avazonga.
Tenchu alom u na alei achi u na,
asik chu ama hi zolāia alūt zei ti la iam u mak.
27 Tenchu Barnaban akut le amaruaia kuitīr ngāi kōma asē puia.
Lampuia Puma ei mu na akōma Pumān akōma chong ei ril ngāi aril pe na.
Paulin Damaska khuana Isua raminga arāng sabaka chong ei ril ngāi ha akōm u na Barnaban aril pe na.
28 Hatuka,
Saul Jerusalem khopuia amāni bibila alūta asuaka.
29 Puma Isua raming arāng sabaka chong aril chachaka.
Hatuka,
Grik chong amang Jihudi ngāi le ankhal sabak u na.
Tenchu amāni hān athat ranga ei mansūk u.
30 Tenchu unāi ngāiin hava ha ariat u na,
Kaisari khuana aruai u na,
hatuka Tarsa khuana aman sē viak u na.
31 Hatuka Judia rama,
Galili rama le Samari rama kuibing mun tina a om dōra phūkdāia adet riama anding u na.
Puma anchi chunga alēng u na Ratha Ānthiang lung ngamna lehan apung tir u na.
Ainia le Dorka
32 Hankēng,
Peter mun tina ei sē balama han Ludda khuana mīn thiang a om ngāi um avapana ei hong en u.
33 Hava mun han mi khat araming Ainia ati na a om a.
Ama hi ei zeng sika kum ariat pei zamuna azāl chiana avamu na.
34 Hatuka Peterin akōma:
“Ainia,
Isua Krista Pathian ruat hān ana man dam zei,
anthui tānla na
mun azual ro,”
ati na.
Hatuka anlāiseka anthui lena.
35 Hatuka,
Ludda khua le Saron phāia a om ngāi dōra chu Ainia amu u na,
Puma tiang ahong akīr u na.
36 Joppa khuana zolāi angkhat araming Tabitha a om a.
Grik chonga chu “Dorka” ti na ani na.
Hiva nupang hi ei thō ngāi dōra chu sin āsa le mi sanna ani na.
37 Tenchu nikhua asē tira,
ama chu ana tonga ei thi ani zeia.
Hatuka aruak ti aman bual vang sua u le ina tadan ansānga aman zāl u na.
38 Ludda khua chu Joppa khua kōl tak ani na.
Hava sika han,
sova son Peter a om ti ariat u na zolāi ngāiin mi anni akōma ei tīr u.
Amāni hān:
“Aliak sōt rei luia koini kōma
na hong pe ro ba,”
ati na avamanthēm u na.
39 Hatuka Peter anthuia amāni bila asēna.
Avatung le chunga tadan inchunga aruai u na.
Akōla anding arōng ngāi dōra alom u na achap u na.
Dorka abil u na a om lāia akultāi chi le apuan khōng ngāi aman mu u na.
40 Tenchu Peterin alom u na in āta amasuak zita,
khūk sabila bōr azonga.
Hatuka athi ruak tiang anhoia:
“Tabitha,
anthui ta ro,”
ati na.
Hatuka amit ahong amenga Peter amu le chu ansuta.
41 Hatuka Peterin akut le akeia amathuia.
Hatuka mīnthiang ngāi le arōng ngāi akuia adam vanga amāni kōma apēka.
42 Hava thang ha Joppa khua pumpuin ariat u na,
mi tamtakin Puma chu a iam u na.
43 Peter chu nikhua tampa Joppa khuana mevun anchipu Simon a ina a om a.