Koz kwaai tuhz cumz caoh
2
Seun teungz aacz ihz ne ohz seumz mih, maanyz tawngz paan, suz tawngz, maanyz taangz boh lupz phrawz kez cuz ta ihz hacz aamz raez. 2 Suz tawngz aez khunz boh ihz maang a na keui nahz aez ehz bawnz moh teur maen, aez ehz bawnz moh katz ngang, aez ehz nap suamz Phraz, aez ehz kam kyaangz an maang sre klawhz meoz. 3 An cih ceun ni ne rak, naeh an saang trohz aacz ngaai Tahz khyawt ehz Phraz Pen Caoh. 4 Phraz Pen Caoh sunz aez ihz klawhz ihz keui bawnz reung dengz khyawt boh aez mas traz an anz. 5 Phraz Pen Caoh naeh seu su pan. Tuhz peur lah Phraz Pen Caoh boh ihz ne maang tahz cih aez teur trohz hawkz pan, Hnhz naeh Khris Yesuhz, an naeh ihz. 6 Hnhz an diz cunz phawmz Daehz ta thutz leh klawhz ihz. An ni a wa penz saak se Phraz Pen Caoh meuz kraao saang trohz. 7 Kawp ceun ni rae ohz talz khaanz naeh teu maan tang naeh sra rawz traz, an sawnz aez lawng reung dengz yum boh lawng traz an anz tawz kheuz ihz an nam anz Yio ne ohz daz mawn, ohz nam upz kaoz.8 Ti koz kwaai klawhz ti ne ohz sunz aez keur meh keui caw phrawz tihz daehz an seu ngamz rae suz tawngz an nam maang teur ca teur thiangz daehz. 9 Keun nyah keui kaw aez naeh ceun diz laai, aez keuh kap kreung aez trohz ngaai ihz rae aez maang sre, keuh nam meu rae toz raang daehz tawiz an taanyz hukz kingz, an kap khamz boh plaez, an kap kreung langz mawh, 10 keuiz daz tawiz keuh cih a kyaangz an rak ceun keun nyah an ro se nap suamz Phraz Pen Caoh keui trohz cih. 11 Aez keun nyah keui sawnz leh traz pras pras boh aez keuh teuk ngarz traz thonz thonz. 12 Ohz nam aez keun nyah sawnz aez keur meh boh upz lang kol keur meh. Aez keun nyah moh pras pras. 13 Kawp daz Phraz Pen Caoh phaan cih aacz Adam, waaiz caang kai cih Ewe. 14 Adam nam aez ihz kaoz daehz, keun nyah samz aez ihz kaoz daehz rae cih pleung. 15 Keuiz daz beuk keun nyah keui maang sre rae moh tawiz reung dengz yum, tawiz reung dengz rak boh reung dengz seu ngamz kaw keuh ngaz bawnz reung dengz khyawt tawiz keuh maang kuanz ngaak.