थेस्सलुनीका शेहरे मेह्णु
जे प्रतिनिधि पौलुसे दोकी चिट्ठि
हियुंत जहाज एणे बारे तुस सुआ लिंगि उफाह शुणो भोल। अगर असी कुरेह घेण भोल त अस तेयारिण बि लग घेन्ते। तपल अगर असी जे कोउं ईं बोलियाल कि जहाज जाई कपले एई कइ घेई बि गा, त असी ती दुख भुन्ता। पर साते साते अस अपु अपफ पुठ बि नराज भुन्ते कि असी कीं कइ पता ना लगा। होर अस होरा इन्तिजाम करण लग घेन्ते।
थेस्सलुनीका शेहरे विश्वासी भाई त भेणि सुआ भुंजाण अन्तर बि यीशु मसीह पुठ उम्मीद रखो थी। तेन्हि उम्मीद थी कि प्रभु यीशु मसीह दुबारी एई कइ तेन्हि बचान्ता। पर जपल कुछ मेह्णु प्रभु यीशु दुबारी एणे बारे गलत शिक्षा शिचालण लगे त केहि मेह्णु के विश्वास मुकुण लग गा। तेन्हि विश्वास करण छड़ दिता। जपल इस बोकी पौलुस पता लग गा त तेन्हि समझाणे लिए तेन ई चिट्ठि लिखि।
इस चिट्ठि पढ़ कइ पता लाए कि थेस्सलुनीका शेहरे सतसंग अन्तर मेह्णु की गलत शिक्षा देण लगो थिए, होर मसीहे प्रतिनिधि पौलुस तेन्हि विश्वासी की की समझान्ता। एसे बेलि तुस बि अपु विश्वास अन्तर पक्के भोई घेन्ते।
विषय सूची
नमस्कार (1:1-2)
धन्यवाद (1:3-4)
न्याय करणे रोज (1:5-12)
प्रभु यीशु दुबारी एण त कलंकी मेह्णु (2:1-12)
हिम्मत रखे (2:13-17)
प्रार्थना करण जे छनेअरे (3:1-5)
मेहनते कमाई बारे शिक्षा (3:6-15)
नमस्कार (3:16-18)