तिमुथियुस
जे प्रतिनिधि पौलुसे पेहली चिट्ठि
यीशु मसीहे प्रतिनिधि पौलुस ए चिट्ठि यक जवान कुआ जे लिखो असी, जेसे नओं तिमुथियुस थिउ। तिमुथियुस “लुस्त्रा” नोउएं शेहर अन्तर बिश्ताथ, जे एशिया माईनर देश अन्तर थिआ। तस देश जे आजकण जमाने तुर्की बोते। तिमुथियुसे ई “एओनिस” यहूदण थी, पर तसे बोउ गैर यहूदी थिआ। त तिमुथियुस तसे दादी त तसे ईये मठड़ियार केआं परमेश्वरे वचन शिचालो थिए। से दुहे यीशु मसीह पुठ विश्वास करणे बाड़ी थी। पता प्रतिनिधि पौलुसे से अपु साथी बणा त अपफ जुए रखा। (प्रतिनिधि 16:1-5)। पौलुस तस जगाई जगाई लंघान्ताथ, ताकि से विश्वासी मेह्णु शिचालेल त हिम्मत दियेल। (1 कुरिन्थ 4:17, फिलिप्पी 2:19, 1 थेस्सलुनीका 3:2, 3:6)
जपल प्रतिनिधि पौलुस इस चिट्ठि लिखुण लगो थिआ, तपल से रोमी मेह्णु के जेहेल अन्तर थिआ। तिमुथियुसे उमर तपल शयद 35-40 साले बुच थी, त से इफिसुस शेहर अन्तर कम कताथ। इस चिट्ठि अन्तर पौलुसे तिमुथियुस जे खास कर सतसंग अन्तर खरे मुखिया त सेवक कीं चुणुण त जे गलत शिक्षा देन्ते से कीं रोकुण, तसे बारे बताण लगो असा, किस कि तेन्हि रोजी इफिसुस शेहर अन्तर गलत शिक्षा देण बाड़े सुआ ओ थिए, जे मेह्णु होरी होरी शिक्षा दी कइ तेन्के विश्वास मुकाई छतेथ। इ चिट्ठि कोई ईसवी 66-67 अन्तर लिखो असी।
विषय सूची
नमस्कार (1:1-2)
गलत शिक्षा देण बाड़े मेह्णु बारे समझाण (1:3-11)
पौलुस पुठ परमेश्वरे दाह (1:12-20)
सतसंग अन्तर पूजा अराधना करणे बारे शिक्षा (2:1-15)
सतसंगे मुखिया (3:1-7)
सतसंगे सेवक (3:8-13)
बोडी नियको बोक (3:14-16)
गलत शिक्षा देणे बाड़े (4:1-5)
यीशु मसीहे खरा सेवक (4:6-16)
होरे विश्वासी जे तुं फर्ज (5:1-25)