Pun ze Ejitu phya Moabi
33
Uni o uyaas usi bowk Israel dobi kero Moises na Aroŋ punun boko ze Ejitu, ze mi bo omi ze iiñ boko. 2 Ze mi NYEEK zumi Moises pis ktiim kana zun bohili zooni, kero bo o zuyaas. 3 Bowk Israel pun ze Ramases ze ŋnu 15 ze pli pseke, one ozipr Paskwa onu oloŋ. Bo pun na kziu ze ikil bojitu uzuuz. 4 Kero boka moi bowk boko boseke bosi NYEEK hili fiŋi kero a ka do ŋnzi bojitu olado.5 Kero bowk Israel pun ze Ramases, bo zoo ze Sukoti. 6 Zolo, boya sol ya zoo ze Etaŋ, ze klil ksi olaal. 7 Ze Etaŋ bo kak ze Pati-Airoti ze pmair onuu zojir Baal-Zefoŋ, bo zoo zurun Magdol. 8 Ze Pi-Airoti bo haño krik phya olaal boyaanz ŋnu 3 zolaal osi Etaŋ, bo zoo ze Mara. 9 Ze zolo boya zoo ze Eliŋ ze nkazi klik 12 ksi mnzup na nkem 70. 10 Bo pun ze Eliŋ ya zoo ze kwaŋ krik kjeenkle. 11 Zolo bo pun ze kwaŋ krik kjeenkle ya zoo zolaal osi Siŋ. 12 Zolo bopun zolaal osi Siŋ ya zoo ze Dofka. 13 Bopun ze Dofka ya zoo ze Alus. 14 Bopun ze Alus ya zoo ze Refidiŋ ka mnzup mozi o zun ze minzun, antom bopugi daan. 15 Bopun ze Refidiŋ ya zoo zolaal osi Sinai; 16 Bopun zolaal osi Sinai ya zoo ze Kibrot-Ataava; 17 Bopun ze Kibrot-Ataava ya zoñnor ze Hazeroti; 18 Bopun ze Hazeroti ya zoñnor ze Ritma. 19 Bopun ze Ritma ya zoñnor ze Rimoŋ-Perez. 20 Bopun ze Rimoŋ-Perz ya Libna; 21 Bopun ze Libna ya zoñnor ze Risa; 22 Bopun ze Risa ya zoñnor ze Kelata; 23 Bopun ze kelata ya zoñnor zonkuŋ osi Sefer; 24 Bopun zonkuŋ osi Sefer ya zoñnor ze Harada; 25 Bopun ze Harada ya zoñnor ze Makelote; 26 Bopun ze Makelote ya zoñnor ze Taate; 27 Bopun ze Taate ya zoñnor ze Tera; 28 Bopun ze Tera ya zoñnor ze Mitka; 29 Bopun ze Mitka ya zoñnor ze Hasmona; 30 Bopun ze Hasmona ya zoñnor ze Moserote. 31 Bopun ze Moserote ya zoñnor ze Bene-Jaakaŋ; 32 Bopun ze Bene-Jaakan ya zoñnor ze Hor-Hagidgade; 33 Bopun ze Hagidgade ya zoñnor ze Jotbata; 34 Bopun ze Jotbata ya zoñnor ze Abrona; 35 Bopun ze Abrona ya zoñnor ze Ezyoŋ-Geber; 36 Bopun ze Ezyoŋ-Geber ya zoñnor zolaal osi Ziŋ, one Kades; 37 Bopun ze Kades ya zoñnor zonkuŋ osi Hor, ze klil osaak osi Edoŋ;
Pkez Aroŋ
38 Aroŋ, nmpenen Uzi payo onkuŋ osi Hor ze mi NYEEK hilmi lo; ka kez zolo, ze pli pñiinzan, ze ŋnlur 40 kero bowk Israel pun zosaak osi Ejitu zonu oseke ze pli pseke. 39 Aroŋ hil ka ŋnlur 123 kero ka kez zonkuŋ osi Hor.
40 Ka nkananeu akndwoi Aradi anhili o zojir zeu osaak osi Kanaan, te bowk Israel ze bi.
41 Bopun zonkuŋ osi Hor ya zoñnor ze Zalmona; 42 Bopun ze Zalmona ya zoñnor ze Punoŋ; 43 Bopun ze Punoŋ ya zoñnor ze Oboti; 44 Bopun ze Oboti ya zoñnor ze Ije-Abariŋ; ze klil ksi Moabi; 45 Bopun ze Ije-Abariŋ ya zoñnor ze Diboŋ-Gade; 46 Bopun ze Diboŋ-Gade ya zoñnor ze Almoŋ-Diblataiŋ; 47 Bopun ze Almoŋ-diblataiŋ ya zoñnor ze nkuŋ ŋnsi Abariŋ pjan na Nebu. 48 Bopun ze nkuŋ ŋnsi Abariŋ ya zoñnor ze zun ze nliiŋnorze ze si Moabi ze kwaŋ krik Jordoŋ pjaan na Jeriko. 49 Bozoñnor ze kwaŋ krik ksi Jordoŋ ptep ze Bete-Jesimote ampjau ze Abel-Sitiŋ, ze zun ze nliiŋnorze ze si Moabe.
Uzi hilan punun Bokananeu
50 NYEEK lado na Moises ze zun ze nliiŋnorze ze Moabi ze kwaŋ krik Jordoŋ pjaan na Jeriko: 51 Ladoon na bowk Israel antom ujak boko, zoyaar nde an haño krik Jordoŋ phya osaak osi Kanaan, 52 nde punan baña uzuuz bonhoki zosaak osi Kanaan, nde sokun ŋnzi bofegŋi, nde sa toom na ŋnzi boko uzuuz ŋnsi metal, nde Sokun uzuuz zun boko ze iimna. 53 Nde sehun osaak nde ka, antom nde o zolo, zonkont nji hul nde osaak ominzun nde ka olo. 54 Nde phyeenk antom phairo osaak ominzun ze mi nde omi ze phwk pliin nde, kiiñ kmpeki pmag nde phul ka phij pmagpi, kiiñ kmpeki ptiiŋz kopka phij pntiik zun oneejo jetunzi zun ze minzun o pho ze zesi kiiñ kminzkun; nde iijun ze mi iiñ boliin nde omi. 55 Ze nde ampunun baña bonhokunk zosaak ominzun, baña bosi nde hutunkunk antom bo duko bo pho injaka isumplu ze kil nde, injaka yun yu ziteñ nde. Bo bi pnornorun nde zosaak ze zun ndei pzoon. 56 Hunkran njoun pdo nde un nji zaafi pdo boko.