Ilil isi ŋnsaak
34
NYEEK jak Moises, 2 Ahil bowk Israel a jak boko: Zoyaar nde aneej zosaak osi Kanaan nde jekna injaka phij, osaak opka ilil olo. 3 Klil nde ksi zeu osaak o pho zolaal osi pmair onuu, ze ptoomi psi krik khai, 4 ko phuglo phya zeu osaak phya pnkuten psi Akrabi, kzip ze osaak phya zeu Kades-Barneya, ze zolo ko phya ze Azar-Adar, ko pzip phya Asmoŋ, 5 zun Koti ophuglo phya ze krik ksi Ejitu, kzip ankint jau ze krik Mediteranyu. 6 Klil nde zojir phyour onu ko pho krik Mediteranyu. 7 Uni oun pho klil nde, ptep duzu osaak ampjau ze krik kyeek, nde pzu klil nde zonkuŋ osi Or. 8 Ze zolo a phya zoneeji Amati, ksol oloŋ ankjau ze Zedadi, 9 klil zip ze Sifroŋ, ktoom ze Azar-Enaŋ. Khokun pho klil nde ze duzu osaak. 10 Ze klil nde ksi pmair onuu, nde pisun mnaamzin mnsi Azar-Enaŋ ampjau ze Sefaŋ. 11 Klil opun ze Sefaŋ phya Ribla, zojir Ain onhoi ze pmair onu ko phya oloŋ ampjau ze nkuŋ zojir krik ksi Kinereti, ze pmair onuu. 12 Ko phya ze kwaŋ krik ksi Jordoŋ ampjau ze krik khai. Uni oun pho osaak nde, na ilil ze ŋnjir uzuuz.13 Moises hil bowk Israel a jak baka: Nde pdo phyeenk antom nde hai osaak ze phij. NYEEK jaa, o ka phulo iiñ 9,5. 14 Zonkonk baña kiiñ ksi Rubeŋ, na bosi kiiñ ksi Gadi, na psoof kiiñ ksi Manases, bo hil o seh phij boko zojirun krik Jordoŋ ze Jeriko ze pmair onuu. 15 Iiñ 2 indai yo pseh phij yolo zojirun krik Jordoŋ ksi Jeriko, zojir pmair onuu.
Boiinz bonkaaki phairo osaak
16 NYEEK pot lado na Moises jak lo: 17 "Itiim indai o itiim isi boiinz bonhoki phai nde osaak antom nde hij: Eleasar nmpenen Uzi na Joswe awk Nuŋ. 18 Nde sa opjek nmbuli ze Kana kiiñ aziinkun phai osaak osi phij. 19 Itiim indai o isi bohuli ze Kana kiiñ. Kiiñ ksi Juda, Kaleb, awk Jefone 20 kiiñ ksi Simoŋ, Semwel awk Amindi; 21 kiiñ ksi Benjamiŋ, Elidadi, awk Kisloŋ; 22 kiiñ ksi Daŋ, nmbuli o Buki, awk Jogli; 23 kiiñ ksi Jose, awk Manases, Anyel, awk Efodi; 24 kiiñ ksi Efraiŋ, Kemwel, awk Siftaŋ, 25 kiiñ ksi Zebuloŋ, Elizafaŋ, awk parnaki; 26 kiiñ ksi Isakar, Paltyel, awk Azaŋ. 27 kiiñ ksi Aser, Ayudi, awk Selomi; 28 kiiñ ksi Naftali, Pedael awk Amiudi; 29 bañauki o bosi NYEEK zuki bohai osaak osi Kanaan, osi phij psi bowk Israel.