Yun itiimo bopenen Uzi
39
Na mmuz nfulamul, purpura na mnjenkle bolemp yun itiimo inurohi isi utihun zun ze iimna. Bo sa lemp uz yun itiimo iimna isi Aroŋ, ze mi NYEEK jakmunk Moises.Oyenknin na kmbis nmpenen Uzi
2 Bolemp oyenknin osi mhuru, osi mmuz nfulamul, purpura, mnjenkle na mmuz miknjilmi mnlahomi. 3 Bo yalan mhuru antom mho ilamna iknjilhi, bo fal ya zifiu antom ptuñ yolo ze psoof mmuz nfulamul, purpura na mnjenkle, na mmuz miknjilmi. Ondai oko utihun usi ña anhili plemp wolo. 4 Bolemp iñigi oyenknin, koulan yolo na ptoomi njir 2 antom ptan yolo. 5 Ktil klempki un onuroi klempoo na ŋun ŋminzŋun, one mmuz nfulamul, purpura na mnjenkle, mmuz miknjilmi mnlahomi, mnzwomi duzu oyenknin antom ŋho ze pzep ploŋ, ze mi NYEEK jakmunk Moises.
6 Bo bamun ilaak iminzyun ikndwoi sardonika inzwohi ze mhuru, piso itiim bowk Jako ze yolo ze mi ña klempmunk karimbu. 7 Bonazun yolo ze ojir oyenknin injaka ilaak isi mnlelnin mnsi bowk Israel, ze mi NYEEK jakmunk Moises.
Kdeki ujuuns
8 Nfej aloŋ lemp kdeki ujuuns na ŋun ŋnlempnŋi kdeki ujuuns, one mhuru, mmuz nfulamul, purpura na mnjenkle, na mmuz miknjilmi mnlahomi. 9 O hil ka ŋjir ŋnliŋi uzuuz, ŋujo, okañr kolo na ohanr oko injaka onaŋj kñene. 10 Bozu ŋrenku 4 ŋnsi ilaak isi ulur ze kolo. Prenkun prun phil ka sardya, topazyu na karbunklu. 11 Prenkun pugzan hil ka ilaak ikndwoi esmeralda, safira na dyamanti. 12 Prenkun phajzan hil ka jasintu, agata na ametista. 13 Prenkun pwaknan hil ka turkesa, sardonika na jaspi. yolo uzuuz izwo mhuru. 14 hunkran ikadun ilaak 12 ze kana kiiñ bowk Jako; itiim boko piso ze kana kiiñ kloŋ, injaka mi karimbu jaun ka piso, na itiim isi iiñ 12. 15 Bolemp antom pzu ze kdeki ujuuns ifiu impozhi isi mhuru owadadi, inlahoi injaka ptala. 16 bolemp iñigi 2 isi mhuru na insawaŋ ze ŋnjir 2 ŋnsi duzu kdeki ujuns. 17 Bonazun ŋnjir 2 ŋminzŋun ŋmpozŋi ŋnsi mhuru ze insawaŋ 2 ze ŋnjir 2 ŋnsi kdeki ujuuns. 18 Bonazun ŋnjir ŋloŋ ŋmpozŋi ze ŋñignoŋi 2, zu ŋolo ze duzu iñigi oyenknin zojir orun. 19 Bolemp insawaŋ isi mhuru uz, bo nazun ya ze ŋnjir 2 ze ptoomi psi kdeki ujuuns zojir omes, onhoi duzu oyenkinin. 20 Bolemp insawaŋ isi mhuru bonazunhi ze ŋnjir 2 phya zeu urun iñigi isi oyenknin, pñog ween ktil, duzu ktil ksi oyenknin onliri un onuroi. 21 Bojek ptala pfulamul, tan insawaŋ isi kdeki ujuuns na insawaŋ isi oyenknin, ze kleri ujuuns hilni pzoo duzu ktil ksi oyenknin khalki un onuroi, antom pduko zun kolo. Uni uzuuz odolo ze mi NYEEK jakmi Moises.
Omant nmpenen Uzi
22 Bo sa lemp uz kdeki ujuuns ksi nmpenen Uzi, knliroki na mmuz nfulamul. 23 Waal ze psoof zun weene oi pneej lempo na gola knlirki, ki kpaso. 24 Ze kwel kmbisa, boñig ka na mmuz nfulamul, purpura na karmesin, na mmuz mnlahomi. 25 Bosa lemp uz nkina ŋmpozŋi ŋnsi mhuru owadadi, zu ŋolo ze psoof romans one kegi kmbisa, foyo kolo, 26 Onkina ompozi na roman, na onkina oloŋ kmpozki na roman oloŋ, ze foyo olutr osi kmbisa kikntiimoki antom pho utihun Uzi, ze mi NYEEK jakmi Moises.
Yun itiimo bopenen Uzi
27 Boliir lemp kmbisa ksi mmuz miknjilmi ksi Aroŋ na bowk. 28 Sa pot lemp uz ibonde isi mmuz miknjilmi, na ibonde inkañhi na ikalson isi mmuz miknjilmi mnlahomi, 29 na ktil ksi boñig lempki na mmuz miknjilmi mnlahomi na mmuz nfulamul, purpura na karmesin, ze mi NYEEK jakmi Moises.
Mnjaŋzin mnsi piimnan
30 Bo sa lemp uz kndaŋu knhiimnanki ksi klamna ksi mhuru owadadi, ze mi ña jaun ka pis karimbu, hunkran woun pis olado ominzi: Oiimna o osi NYEEK. 31 Botan ka na itala ifulamul zurun ubonde, ze mi NYEEK jakmi Moises.
Utihun muugi
32 Hunkran utihun uzuuz usi oku uzoñnor toomdun. Bowk Israel dol uzuuz ze mi NYEEK jakmi Moises. 33 Antom ka bojek Oku ibuur ya hul Moises: Oku na ŋun ŋhoŋi ze olo uzuuz , oi ihuiz isi isap, ilaankun, iluzi; 34 Kleri ksi injand ŋmpalalu nkal inouhi na karmesin, na injand ogoŋar mnzup, inoŋnt injai ka ler zun ze mpezi piimun. 35 Oku phuuz na ilaankun olo na ileri isi kñago. 36 Omes na ŋun uzuuz ŋhoŋi ze olo, na opoŋ oiimna; 37 Okandel na mhuru owadadi na plaanku olus na ŋun olo uzuuz , na mnsitidos moi pzwo ze olo; 38 Pkak mhuru, mnsitidos mnsi pkir, nsensu ikñeeli un onliili, na inoŋnt zoneeji oku; 39 pkak psi kobre, na ilaanku polo na ŋun polo uzuuz itisel na iluzi polo. 40 Inoŋnt isi khiij unaam na isap yolo na iluzi yolo, na knoŋt unaam plumu, itala na iriiŋi, na ŋun polo uzuuz ŋnsi utihun zoku uzoñnor; 41 yun inurohi isi utihun zun ze iimna, yun iimuhi isi Aroŋ, na yun bowk antom pdol utihun zun ze iimna, yun iimni isi Aroŋ nmpenen Uzi, na yun bowk pdon utihun bopenen Uzi. 42 Bowk Israel dol utihun uzuuz ze mi NYEEK jakmunk Moises. 43 Moises ten utihun uzuuz na mnjona, iin ja udolo ze mi NYEEK jakmi. Hunkran Moises zudun mnjona ze boko.