Ukau
37
Bezaleel sa lemp uz ukau usi mndera akasya; uka ŋnsentimetru 110 ŋnsi okañr ohanr 70, ohalr 70. 2 Aler a na mhuru owadadi mezu na uri, azu kndaŋu mhuru foyo wolo. 3 Alemp insawaŋ 4 isi mhuru isi olo nazun yolo zijok 4 zojir oloŋ isi ukau Uzi: insawaŋ 2 zojir oloŋ 2 uz zojir oloŋ. 4 Asa lemp uz ilaankun isi mndera akasya, ler yolo na mhuru; 5 azu ilaankun ze insawaŋ ze ŋnjir ukau Uzi, antom philun plap wolo.Kleri Kñago
6 Asa lemp uz kleri ksi kñago ksi mhuru owdadi; ka ŋnsentimetru 110 ŋnsi okañr na 70 ŋnsi ohanr. 7 Bolemp uz nkerubin 2 ŋnsi mhuru; mhuru myalan mi, ze ptoomi kana ojira. 8 Okerubin oloŋ zojir oloŋ ze ptoomi, oloŋ ze ptoomi ojir oloŋ; bolemp ŋa ka ŋmbuplor na kleri ksi kñago. 9 Nkerubin ŋminzŋu ŋnsolun iwaaklu duzu, ŋnler kleri ksi kñago na yolo; ŋnaz jaani ze ten duzu kleri kñago.
Omes
10 Alemp uz omes osi mdera akasya, oka ŋnsentimetru 88 okañr na 44 ohanr na 66 ohalr. 11 Boler a na mhuru owadadi, lemp olo kndaŋu mhuru foyo olo. 12 Sa lemp olo uz mnamzin foyo olo, mnkami ohanr koñ 4, lemp olo komarkar na mhuru foyo mnamzin. 13 Bo sa yalan na uz insawaŋ 4 isi mhuru antom zu yolo ze ijok 4 yoi ze iluzi olo 4. 14 Ze pñog mnaamzin o hil o insawaŋ, injai ka hoh zun zui ilaankun antom plapn omes. 15 Alemp ilaankun mndera akasya ler yolo na mhuru, antom pjaka lapn omes. 16 Na mhuru owadadi bolemp izij hili ka pho duzu omes: irat olo, inkoopu, itisel na ŋnjaaru olo, injai ka has na un onhaloi osi praan.
Okandel
17 Asa lemp uz okandel osi mhuru owadadi myalomi, na inah na iluzi uzuuz ; psap olo na inah olo, na inkoopu olo na yun ibupi olo ibuplor ze pzep ploŋ. 18 Inah 6 pun ze ŋnjir olo, 3 zojir oloŋ, 3 zoloŋ uz. 19 Ze kana knah kloŋ ze inah 6 yun opka inkoopu 3 inaamhi na pzeeñ omendwa, iloŋ indishi, iloŋ inhaulohi. 20 Okandel zoleef olo hil ka inkoopu 4 inaamhi na pzeeñ omendwa, na idisi olo na pzeeñ olo. 21 O hiI ka pzeeñ 1 zeu inah 2 impuni; ze kolo; kloŋ diiso o zeu zun inah ipugzan punzi; kdisi khajzan diiso o zeu zun knah khajzan punzi. 22 Idisi olo na inah olo yon zun ze loŋ; yolo uzuuz yo ze pun ploŋ, isi mhuru owadadi myalanmi. 23 Bolemp ŋlus 7 ŋnsi nkandel; Na ŋun ŋnfahi olo na ŋmiti olo ŋho mhuru owadadi. 24 Bo lemp nkandel na ŋun olo na nkilu 34 ŋnsi mhuru owadadi:
Pkak Psi nsensu
25 Bo lemp pkak nkilu 4 ŋnsi mndera akasya, antom pturn nsensu; pkak pminzpun ka ŋnsentimetru 45 okañr, na ŋnsentimetru 45 ohanr ŋnsentimetru 90 ohalr; yolo na itin 4 isi polo inlemphi ze pun ploŋ. 26 Aler ojir duzu na mhuru owadadi, na ŋnjir uzuuz ŋnsi itin. Alemp kndaŋu ksi mhuru knfoyoki olo. 27 Bolemp insawaŋ 2 isi mhuru nkilu 2, nazun yolo zeu kndaŋu, na ilaankun isi plapi oi pzipna. 28 Bolemp ilaankun isi mndera akasya, ler yolo na mhuru.
Mnsitidos miimna
29 Alemp mnsitidos miimna uz mnsi pkir, na nsensu owadadi injai ka ñel un onliili; mnlempo injaka utihun ña knlempi oarser.