Un onhaloi plempn oku
25
NYEEK jak Moises: 2 Jakun bowk Israel bo bi na un onhaloi. Nde sehun na ze iñen boiinz uzuuz bonhutnorki phulin olo na ijuuns boko. 3 Ondai oun un onhaloi osi ndei pseh boko: Mhuru, Prat na Bronsi+ \fr 25.3 \ft , 4 mmuz nfulamul, purpura, mnjekle, miknjilmi na injand ŋmpi; 5 Injand ŋmpalalu inkirhi na otint ojenkle, injand, mndera mnsi akasya, 6 mnsitidos psehunin okandel, ŋun ŋnfiroŋi ŋnsi mnsitidos mnkiri, na ŋun ŋnfiroŋi ŋnsi insensu, 7 ilaak ulur na ilaak iloŋ inbalirhi antom pzwo zoyenknin osi nmpene Uzi jai khatnor zujuuns. 8 Bo plempin zun ze iimna, njoi phona ze psoof boko. 9 Ze Wo plempa ze mi njoi pjaaŋu uzuuz ze mi oku kai plempo, na ŋun uzuuz ŋhoŋi ze mezu hunkran ndeun plemp olo.Ukau usi Phuuz
10 Usa oplemp ukau usi itaagwa isi akasya, unhoi pka ometru 1,10 okañr, na ŋnsentimtru 70 ŋnsi ohanr, na ohalr. 11 Wo pler wa na mhuru owadadi mezu na uri, antom uzu kndaŋu mhuru pfoyo wolo. 12 wo plemp Insawaŋ 4 isi mhuru wolo, pnazun yolo zijok 4. 13 Usa pot oplemp uz kliiti 4 isi mndera mnsi akasya pler yolo na mhuru. 14 Wo phoh iliiti ze mezu insawaŋ ze ŋnjir ukau phuuz, antom hilun plapn wolo. 15 Iliiti o pduko zinsawaŋ isi ukau phuuz, yozo pun ze wa. 16 Wo pzu ze mezu ukau phuuz, ilaak infejohi injaka Itaagwa, mnjaŋzin njoi phulu.
Kleri ukau usi phuuz
17 Wo plemp kleri ksi mhuru mnsi owadadi antom pjaka jour pjwa; koki pka ometru 1,10 okañr, na ŋnsentimetru 70 ŋnsi ohañr. 18 Wo plemp nkerubiŋ 2 ŋnsi mhuru; mhuru Myalami, ze ŋnjir 2 ŋnsi kleri; 19 Okerubin 1 ze ptoomi ojir 1 oloŋ ze ptoomi ploŋ. Ŋo plempo zuram uloŋ na kleri ksi pjour pjwa ŋho ze kleri kloŋ. 20 Nkerubiŋ ŋmizŋun ŋho ptar iwaaklu duzu, ŋho pler kleri na iwaaklu; antom pler kleri ksi; pjour pjwa ŋho ptendo duzu kleri. 21 Wo pzu kleri duzu ukau; ze mezu wolo wo pzu ilaak isi ŋiimna, njoi phulu. 22 Zolo, ze psoof nkerubin 2 ŋhoŋi ze ukau usi phuuz mnjaŋzin, njo plado na wi ze ŋun uzuuz nji jakŋi wi zonkont bowk Israel.
Omes
23 Usa oplemp uz omes osi mndera mnsi akasya, ŋnsentimetru 88 okañr, ŋnsentimetru 44 ohanr, ŋnsentimetru 66 ohalr, 24 Uler olo na mhuru owadadi uzu kndaŋu ksi mhuru kfoyo olo. 25 Usa oplemp uz mnjaŋzin nfoyo olo ohandr ikoñ 4; ulemp mmuz mhuru mnñignmi olo foyo mnjaŋzin. 26 Wo plemp uz insawaŋ 4 isi mhuru, udis yolo ze ŋnjir 4 yoi ze izim yolo 4. 27 ze kwaŋ mnjaŋzin yo pho insawaŋ, injaka zun zui ilaapi, antom plapn omes. 28 Wo plemp ilaapi isi mndera mnsi akasya antom uler yolo na mhuru; yoi woun plapn omes. 29 Wo plemp uz irat olo na inkoopu olo, ŋndunku na itisel, yoi pho yun isehunin insensu, na itisel olo, na inkoopu olo pduka hulna praan. wo plemp ya uzuuz na mhuru owadadi. 30 Duzu omes wo pzu opoŋ onhimni oi pho kana ŋyas zurun ni.
Okandel
31 Lempun uz okandel osi mhuru owadadi; mhuru myalanmi mom woun plempn olo, izim olo, zun ze disi olo, na inkoopu olo, na ŋnfis olo ŋho pho na pzeñ olo ŋho pho zuyas uloŋ. 32 ze ŋnjir olo yo pun inah 6: nkandel 3 zojir oloŋ, 3 zoloŋ. 33 Ze pzep olo opka inkoopu 3 inaamhi, ofis oloŋ na pzeñ; hunkran oun pho ze inah 6 intaŋhi zokandel. 34 Zokandel opka inkoopu 4 inaamhi, na ŋnfis olo na pzeeñ. 35 Opka ofis oloŋ ze duzu inah 2 impunhi zolo; na ŋnfis ŋnloŋ na inah iloŋ 2 impuni zolo; hunkran woun plemp na inah 6 impunhi zokandel. 36 Ŋnfis olo na inah olo ŋho pho ze mnloŋ; ŋolo uzuuz ŋho plempo zuyas uloŋ, utihun mhuru myalanmi osi mhuru owadadi. 37 Usa oplemp uz nkandel 7, ŋoi pseh pduka fiiz zurun olo. 38 Yun ifahi olo na imiti olo yo pho ihuru owadadi. 39 Ze nkilu 40 ŋnsi mhuru owadadi woun plempn okandel na yun olo uzuuz . 40 Tenun na mnjona antom ulemp injaka mi usondomunk olo zonkuŋ.