Bezaleel na Aoliabi
31
NYEEK pot jak Moises: 2 ''Nji dat Bezaleel, awk Uri, ninsi kiiñ Juda, 3 nji sumna Oyek Uzi, ulipl, kme, pdol utihun uzuuz usi pfej, pzak na phyalan mhuru, prat, bronsi na kobre. 4 antom a o nyeek nmarkar ŋun ŋoi plempo na mhuru, prat na bronsi, 5 antom pfal ilaak isi ulur ŋho pzwo ze mhuru, pfej mndera, na ŋntihun uzuuz uz ŋnsi ufej. 6 Nji dat asiinz lo Aoliabi, awk Aysamaki, ninsi kiiñ Daŋ; nji hul kme ze boiinz uzuuz bonkaki kme, antom bolempin ŋun uzuuz ŋnsi nji jakŋi boko: 7 oku osi uzoñnor, na ukau usi phuuz, na kleri ksi kñago khoki duzu olo, na ŋun olo uzuuz ; 8 omes na izij olo uzuuz , okandel osi mhuru owadadi na izij olo uzuuz , na pkak psi nsensu; 9 na pkak psi un onturoi na izij polo uzuuz na usya na iluzi wolo; 10 yun itiimo inliirhi na yun itiimo iimna isi Aroŋ nmpenen Uzi, na yun itiimo isi bowk, antom botihunarin injaka bopenen Uzi; 11 na mnsitidos mnsi pkir ña, na nsensu injai ka kañeel un onliili isi zun ze iimna; bo plemp uzuuz ze mi nji jakmi boko.Onu osi phyoŋ
12 NYEEK pot jak Moises: 13 Wi urinu wo plado na bowk Israel ujak boko: " zowadadi nde baapun isaaudu ni; oko mnjaŋzin ze psoof ni na nde ze iiñ nde; antom nde me njoun NYEEK, aika jinjinzun nde. 14 Nde baapun onu ksaaudu, zonkont o onu oiimna osi nde boloŋ; ña ani pbaap onu ominzun, a ka pkez; ña anleempi utihun uloŋ zonu ominzun, a ka pkez ze psoof bopugi lo. 15 Nde ka ŋnu 6 ŋnsi utihun, onu ojaandun o onu osi phyoŋ, oiimnan ze NYEEK; ña andoli utihun uloŋ zonu ominzun a ka pkez. 16 Bowk Israel ka pbaap onu ominzi injaka mnjaŋzin mnsi phuuz pnzañi ze iiñ boko. 17 Ze nji na bowk Israel o mnjaŋzin onzañi; zonkont, ze ŋnu 6, NYEEK lemp duzu na ozee, zonu ojaandun, ka ayooŋi. 18 Kero ka Uzi toom plado na Moises zonkuŋ osi Sinai, hul Moises itaagwa 2 isi phuuz, itaagwa isi plaak, impisohi na pkoñ Uzi.