Ran tꞌuti nangue rá mbäꞌtꞌi yʉ dɛꞌyo
10
―Majuąni dí xi ahʉ, bi ꞌyɛ̨nꞌa ra Jesús, nuꞌʉ hin dí yʉrpʉ ja rá goxthi a rá mbäꞌtꞌi yʉ dɛꞌyo, nɛ dí dons pʉ ja ra mbäꞌtꞌi, yʉ bɛ̨ ʉ. 2 Pɛ nuꞌʉ dí yʉrpʉ ja ra goxthi, njuąntho yʉ mbändɛꞌyo ʉ. 3 Nɛ da xocpa a ra mbängoxthi nɛ da yʉtꞌambo ra mbändɛꞌyo bʉya. Nɛ nuꞌʉ yʉ́ dɛꞌyo i ørpa rá nde a rá mbädi nɛ i øtꞌa i xifi. Nɛ i ndønba yʉ́ thuhu nguetho i pą ʉ yʉ́ mbɛti a. Nɛ i sixpʉ ja yʉ ꞌbotꞌɛi. 4 Nɛ nuꞌbʉ mí gʉc pʉ thi gätho ʉ yʉ́ dɛꞌyo, di ꞌbɛtꞌo ꞌbʉ i sitsꞌi, nɛ nuꞌʉ yʉ́ dɛꞌyo i tɛnni nguetho i pąrpa rá nde ꞌbʉ im mbaꞌtꞌi. 5 Hingui tɛnna nꞌdanꞌyo nꞌda ra jąꞌi, pɛ i ꞌdagui, nguetho hingui pąrpa rá nde a nꞌdanꞌyo, bi ꞌyɛ̨na.6 Nuꞌa ran tꞌuti bi manꞌa ra Jesús, pɛ hingui pą ʉ ꞌbɛꞌa nam bønꞌa bi si ʉ.
Ra Jesús ra hogambändɛꞌyo
7 Janangueꞌa ꞌbex bi ꞌyɛ̨mbi mahønꞌa:
―Majuąni dí xi ahʉ, nugä drá goxthigä a ra mbäꞌtꞌi guepʉ i ꞌbʉh yʉ dɛꞌyo. 8 Pɛ gätho ʉ im bɛ̨ni dim ꞌbɛtꞌo zɛhɛ xinda guecä, nɛ gueꞌʉ yʉ bɛ̨ ʉ. Pɛ nuꞌʉ yʉ dɛꞌyo hingui ørpa yʉ́ nde ʉ. 9 Nugä drá goxthigä, nuꞌa toꞌo da yʉtꞌi nanguecä, ma zä da tsꞌimanho bʉ. Nɛ da bądi gue rá ngu bʉ, janangue i ꞌyo nɛ da dįni ꞌbɛꞌa dí zɛrpa yʉ́ mbʉi, tengutho ra dɛꞌyo i tįn yʉ tꞌɛi.
10 Nuꞌʉ yʉ bɛ̨ ní ꞌyɛ̨hɛ dim pɛ̨ nɛ din hodu nɛ di tsꞌonbi gätho rá ꞌbɛfi Oją. Pɛ nugä ná ɛ̨hɛ gue dí tįn ra te nꞌda nɛ din ja ra te i juadi xʉn ho. 11 Nugä drá hogambändɛꞌyo nɛ ga ꞌbɛh ma te gue gan yąn ʉ ma dɛꞌyo. 12 Pɛ nuꞌʉ ꞌda yʉ mbɛfi, høntꞌʉ yʉ́n zäbi nde da dąha, nɛ him majuąni yʉ mbändɛꞌyo, gue hin yʉ́ mbɛti ʉ yʉ dɛꞌyo. Janangueꞌa nuꞌbʉ in nu ba ɛ̨pʉ nꞌda ra zate, i sopʉ yʉ dɛꞌyo nɛ i ꞌdagui. Nɛ nu ra zate bʉya im bɛntꞌʉ yʉ dɛꞌyo nɛ im maxtꞌi. 13 Nuꞌʉ yʉ mbɛfi i ꞌdagui nguetho hinꞌyʉ yʉ́n huɛ̨cate nangue yʉ dɛꞌyo, nɛ høntꞌʉ yʉ́n zäbi ní hyu yʉ́ mbʉi.
14 Nugä drá hogambändɛꞌyo, nɛ dí pąh ma dɛꞌyo nɛ nuꞌʉ i pąqui. 15 Tengu thoho dí øtꞌbe ma Ta, i pąqui nɛ dí pącä a. Nɛ ga ungä ma te ngue gan yąn ʉ ma dɛꞌyo. 16 I ꞌbʉh miꞌda ma dɛꞌyo gue hinga guecua i ꞌbʉcua. Nɛꞌʉ jatho gua sigä. Nɛ da ꞌyø ꞌbʉ dá mbaꞌtꞌi. Janangueꞌa ꞌdarpʉ din ꞌyo gätho ma dɛꞌyo. Nɛ gätho ga fäh pʉya nguetho høngdä drá mbändɛꞌyogä.
17 Ɛ̨mmɛ numanho ma Ta ꞌbɛꞌa ga øtꞌä gue ga ungä ma te nangue ma dɛꞌyo. Pɛ ga thąmbɛ̨nigä mahønꞌa. 18 Xínga nꞌda ra jąꞌi da zä da hyogui, pɛ nugä ga unsɛ ma te. Ja ma tsꞌɛdi ga uni nɛ ja ma tsꞌɛdi ga thąmbɛ̨ni, nguetho gueꞌa bi xic ma Ta, bi ꞌyɛ̨nꞌa ra Jesús.
―Nuna ꞌbʉhmi ra zįthu nɛ ran gątꞌi na. Hanja gní ꞌyøhmbʉ ꞌbɛꞌa man na, bi ꞌyɛ̨nꞌʉ ꞌda.
21 Pɛ nuꞌʉ miꞌda bi ꞌyɛ̨na:
―Pɛ hinguin jabʉ rám hman a in ꞌyoui ra zįthu. Nɛ mfądi hinꞌyʉ rá tsꞌɛdi ra zįthu da xocpa yʉ́ dä yʉ xädä, bi ꞌyɛ̨nꞌʉ miꞌda.
Him bi hnumanho a ra Jesús
22 Nu yʉ pa xʉn sɛ bin ja ran tsꞌihmɛ bʉ Jerusalén ngue ra dąmpɛti bi ꞌyøtꞌ ma mijudíohe. 23 Nu ra Jesús mí ꞌyo bʉ ja rá ngunꞌyu ra dąniją ní hu ra Salomón. 24 Nuꞌʉ ꞌda ma mijudíohe bʉya bi mbäꞌtsꞌa ra Jesús, nɛ bi ꞌyɛ̨mpꞌa:
―Hanja gní jacthohohe dan ꞌyänhde nangueꞌe, pɛ dami xije njuąntho ꞌbʉ gueꞌe grá Cristo, bi ꞌyɛ̨nꞌʉ.
25 Nɛ nu ra Jesús bi dątꞌʉ:
―Ya xtá xi ahʉ pɛ hin gá ꞌyɛ̨cꞌyɛigahʉ. Nɛꞌa ra ꞌbɛfi dí øtꞌä nangue rán t ꞌɛ̨di ma Ta, i udi toꞌogä. 26 Pɛ nu ahʉ hin guí ɛ̨cꞌyɛihʉ nguetho him ma dɛꞌyo ahʉ, tengu xtá xi ahʉ. 27 Nuꞌʉ ma dɛꞌyo i ømanho ma nde, nɛ dí pąrpa yʉ́ mbʉi ʉ nɛ i tɛngui. 28 Nɛ dí un ra ꞌdaꞌyote maząi ʉ nɛ njąmꞌbʉ dim ꞌbɛdi. Nɛ njoꞌo toꞌo da zä da huąꞌtsꞌʉ i o ma ꞌyɛ. 29 Nu a ma Ta bi ꞌdacä ʉ, manꞌda nuįxte a, nɛ njoꞌo manꞌda tengu a. Nɛ njoꞌo to da zä da huąꞌtsꞌʉ i o rá ꞌyɛ ma Ta. 30 Nugä nɛ ma Ta nꞌdatho dí comꞌbe, bi ꞌyɛ̨nꞌa ra Jesús.
―Xʉn ngu yʉ ꞌbɛfi xʉn ho xtá utꞌahʉ ngue bi xic ma Ta. Ndaꞌa ní ꞌbɛfi guín nde gdí bajʉ yʉ do, bi ꞌyɛ̨na.
33 Nɛ bi ꞌyɛ̨mpꞌʉ yʉ judío:
―Hin nangue yʉ ꞌbɛfi xʉn ho dí ɛ̨na ga ba ahe, pɛ nangue hin guí ɛ̨spa Oją gue gá ꞌyɛ̨na, nꞌdatho guí cohmi Oją, nɛ grá jąꞌi thoho, bi tꞌɛ̨mpꞌa ra Jesús.
34 Nu ra Jesús bi dątꞌʉ:
―Ha hinga ntꞌoꞌtꞌi bʉ ja yʉn tꞌɛ̨di gadín xähmbʉ, gue bi ꞌyɛ̨n Oją: “Nu ahʉ tenguꞌbʉ gyʉ́ ojąhʉ,” i ɛ̨m bʉ ja ra tꞌohni. 35 Gue bi ꞌyɛ̨mbi tenguꞌbʉ yʉ oją ʉ bi un rán tꞌɛ̨di Oją. Nɛ hingui sä dim ꞌbɛh rá Tꞌohni Oją. 36 Pɛ hanja gní ꞌyɛ̨njʉ hin dín numansugä Oją ꞌbʉ dím mangä, rá Tsꞌʉntꞌʉ Ojągä, guecä gue bi huangä ma Ta nɛ bá pɛngä ua. 37 Nuꞌbʉ hin dí øtꞌä tengu øtꞌa ma Ta, hin gui ꞌyɛ̨cꞌyɛigahʉ ꞌbʉ. 38 Pɛ nuꞌbʉ dí øtꞌä tengu øtꞌa ma Ta, dami pąhmbʉ ngue høntꞌa Oją sä i øtꞌʉ yʉ nuįxte dí øtꞌä. Janangueꞌa da zä gui ꞌyɛ̨cꞌyɛihʉ gue nꞌdatho ran ꞌyomfɛ̨ni dí comꞌbe ma Ta, bi ꞌyɛ̨na.
39 Janangueꞌa bi ꞌyɛ̨na da bɛntꞌi mahønꞌa ʉ ma mijudíohe mí ꞌbäpʉ. Pɛ nu ra Jesús bi ꞌuegue.
40 Nɛ bi mbeng mahønꞌa bʉ ꞌdanguadi ra dąthe Jordán, guepʉ rá mbʉdi mí øtꞌ ran xixyą ra Xuua, nɛ bim ꞌbʉpʉ ꞌda yʉ pa. 41 Nɛ xʉn ngu yʉ jąꞌi bá ɛ̨pʉ ꞌbʉh ra Jesús. Nɛ bi man ʉ:
―Madagueꞌbʉ nte man tꞌøtꞌe nuįxte bi ꞌyøtꞌ ra Xuua Nxixyą, pɛgue gätho majuąni a bi mam ꞌbʉ mi xijʉ nanguehna ra Jesús, bi ꞌyɛ̨nꞌʉ.
42 Nɛ xʉn ngu ʉ bi mba bʉ, bi ꞌyɛ̨cꞌyɛi a ra Jesús.