Ra Pilato bi juąnba ra Jesús
23
Janangueꞌa bi ndantsꞌʉ, bi zixꞌa ra Jesús bʉ ꞌbʉh ra tsꞌʉtꞌabi Pilato. 2 Nɛ gätho ʉ bi yąpꞌa ra Jesús. Nɛ bi ꞌyɛ̨mpꞌa ra Pilato:―Nuna ran ꞌyohʉ i ꞌbäcua, ɛ̨mmɛ i hät yʉ jąꞌi, nɛ bi xih yʉ jąꞌi ngue hin din jut yʉ renta im man ra tsꞌʉtꞌabi Roma, nɛ bi mansɛ ngue guesɛ ra Cristo, ra hmutsꞌʉtꞌabi na, bi ꞌyɛ̨nꞌʉ madí yąpꞌa ra Jesús.
3 Nɛ nuꞌa ra Pilato bʉya, bi ꞌyänꞌna ra Jesús:
―Ha majuąni gueꞌe rá hmutsꞌʉtꞌabi yʉ judío.
Ra Jesús bi dąti:
―Gueꞌa gá ma, bi ꞌyɛ̨nꞌa ra Jesús.
4 Nu ra Pilato bʉya bi ꞌyɛ̨mb yʉ ngʉrpa mbäją nɛ yʉ jąꞌi mi ꞌbäpʉ:
―Xínga nꞌda ra tsꞌoqui dá tįnbä na ran ꞌyohʉ, bi ꞌyɛ̨na.
5 Pɛ ɛ̨mmɛ manꞌda ntsꞌɛdi bi manꞌʉ yʉ yąpate:
―Nuna ran ꞌyohʉ bi dʉꞌma nꞌda ran heque nangue ꞌbɛꞌa bi xänba yʉ jąꞌi. Gueꞌa bi ꞌyørpʉ ja ra häi Galilea, nɛpʉ ra xɛqui Judea, nɛ nuya bi zøcua ja ra hnini Jerusalén, ngue da ꞌyøtꞌua, bi ꞌyɛ̨nꞌʉ.
Ra Herodes bi juąnba ra Jesús
6 Nuꞌbʉ mi ꞌyøde ꞌbɛꞌa bi man yʉ jąꞌi, nu ra Pilato bi ꞌyänni:
―Ha ra mɛngu bʉ Galilea na ran ꞌyohʉ ꞌbʉ.
7 Nɛ nuꞌbʉ mi bądi gue ra mɛngu bʉ Galilea a ra Jesús, bi manda da tsꞌixpʉ ꞌbʉh ra Herodes. Nguetho ra Herodes ra tsꞌʉtꞌabi bʉ ja ra häi Galilea, nɛ gueꞌa ra pa i ꞌbʉpʉ ja ra dąhnini Jerusalén a.
Jesús es traído ante Pilato
8 Nɛ nuꞌa ra Herodes, ꞌbʉ mi nuꞌa ra Jesús, bin johya, nguetho mi øde ꞌbɛꞌa gätho mi øtꞌ ra Jesús, nɛ in nde da nu nꞌda ran tꞌøtꞌe nuįxte. 9 Nɛ nuꞌa ra Herodes, xʉn ngu bi ꞌyän yʉn tꞌänni, pɛ nuꞌa ra Jesús him bi ꞌyʉrpatho ra güɛnda, xíngui tsꞌʉ bi dądi. 10 Nɛ hinga yatho mi ꞌbäh yʉ ngʉrpa mbäją, nɛ yʉ xänbate niją, nɛ ɛ̨mmɛ tsꞌɛdi bi mbafi, di yąpꞌa ra Jesús. 11 Pɛ nuꞌa ra Herodes nɛ yʉ́ dofʉi, ɛ̨mmɛ bi denthoho a ra Jesús, nɛ xíngui tsꞌʉ bi numansuꞌa. Nɛ nuꞌʉ yʉ dofʉi bi hetꞌa ra pahni tengu yʉ́ pahni yʉ hmutsꞌʉtꞌabi, nɛ bi mbɛnh mahønꞌa bʉ ꞌbʉh ra Pilato. 12 Nɛ madín sʉhmi a ra Herodes a ra Pilato, pɛ nu ra pa a, bin amigoui bʉya.
Jesús es Traído ante Herodes
Nu ra Pilato bi manda dí ho ra Jesús
―Guá sihʉ na ran ꞌyohʉ ꞌbäcua, nɛ gá xijʉ ra hyäte na. Pɛ xʉn ngu yʉn tꞌänni xtá ändä nɛ xínga nꞌda ra tsꞌoqui dá tįnbä na, bi ꞌyɛ̨na. 15 Nɛ xínga gueꞌa ra Herodes bi ma xtán dįnba nꞌda rá tsꞌoqui, nɛ bá pɛntho ua mahønꞌa. Nɛ hinꞌyʉ ꞌbɛꞌa bi ꞌyøtꞌna ran ꞌyohʉ gue dí nu ran dąte. 16 Nuya, ga manda da ꞌbɛi nɛ nubʉya ga thøtho, bi ꞌyɛ̨na.
17 Nguetho nu ra Pilato nząi di thøꞌa nꞌda ra ofädi ꞌbʉ i ja ram pɛti ran dąbaxjua. 18 Pɛ nu yʉ jąꞌi ɛ̨mmɛ bi mbafi nɛ nꞌdatꞌa bi man ʉ:
―Dami hyo na ran ꞌyohʉ, nɛ go gui thøꞌa ra Barrabás, bi ꞌyɛ̨nꞌʉ.
19 Nɛ nuꞌa ra Barrabás, ra hyodu a, nɛ mi ofädi nguetho bi parpa yʉ jąꞌi din sʉhmbʉ ra tsꞌʉtꞌabi. 20 Pɛ nuꞌa ra Pilato, ɛ̨mmɛ min nde di thøꞌa ra Jesús, nɛ bi zäpi din yąhʉ yʉ jąꞌi mahønꞌa. 21 Pɛ nuꞌʉ yʉ jąꞌi ɛ̨mmɛ i mbafi. Nɛ bi ꞌyɛ̨nꞌʉ:
―Cuarpʉ ja ra pontꞌi, bi ꞌyɛ̨nꞌʉ.
22 Nɛ ná hyundį bʉya, bi ꞌyänꞌna ra Pilato:
―ꞌBɛꞌa ní tsꞌoqui bi ꞌyøtꞌna ra Jesús, xínga nꞌda ra tsꞌoqui xtá tįnbä ngue dí nu ran dąte, pɛ ꞌbɛ da guaꞌa mꞌbɛi ga xocä bʉya, bi ꞌyɛ̨nꞌa.
23 Pɛ manꞌda ntsꞌɛdi bi mbah yʉ jąꞌi, nɛ nꞌdatꞌa bi ma ngue di cuarpʉ ja ra pontꞌi ra Jesús. Nɛ bi dąha ꞌbɛꞌa min nde bʉya. 24 Nguetho nuꞌa ra Pilato bi manda da tꞌøtꞌa ꞌbɛꞌa go i nde yʉ jąꞌi. 25 Go bi thøꞌa ra Barrabás, ngue bi man yʉ jąꞌi, madagueꞌa ín ofädi a nam parpate nɛ nɛꞌa ín hodu. Pɛ nuꞌa ra Jesús, go bi däpꞌʉ yʉ jąꞌi da ꞌyørpe tengu mim bɛ̨ni da ꞌyørpe.
Jesús es Sentenciado
Nu ra Jesús bin cuatpʉ ja ra pontꞌi
26 Nɛ nubʉya, bi tsꞌixa ra Jesús bʉ ndehnini. Nɛ bin cꞌathʉ nꞌda ran ꞌyohʉ, í Simón, ra mɛngu bʉ ra hnini Cirene, ngue ní mba bʉ ja ra hnini Jerusalén. Nɛ bi fɛntꞌi nɛ bin japi da duspa rá pontꞌi ra Jesús. 27 Nɛ nꞌdan nɛtsꞌi yʉ jąꞌi bi dɛnꞌna ra Jesús. Nɛ nuꞌʉ ꞌda yʉ xisu zom bʉ ní mba, i tu yʉ́ mbʉi ꞌbɛꞌa da tꞌørpa ra Jesús. 28 Pɛ nuꞌa ra Jesús bi hyɛ̨tꞌʉ nɛ bi ꞌyɛ̨mpꞌʉ:
―Gyʉ́ zʉ xisuhʉ, ngue gyʉ́ mɛnguhʉ Jerusalén, o guí zomhbʉ ngue ga tugä, pɛ manꞌda go gui zomhbʉ nangue ꞌbɛꞌa gui nusɛhʉ, gyʉ mɛnguhʉ Jerusalén, nɛ ni tꞌʉhnihʉ. 29 Nguetho da zøn ra pa xʉn ʉ tho ran ʉnbi guin nuhʉ. Nɛ him man gui samhbʉ ʉ yʉ xisu him bi dįn yʉ́ tꞌʉhni, pɛgue guim bɛ̨mhbʉ mająpi ʉ, nguetho ya njoꞌo yʉ́ tꞌʉhni da nuꞌa ran ʉnbi xʉn ʉ tho tengu da nu ni tꞌʉhnihʉ. 30 Nɛ da ꞌyɛ̨nꞌi ꞌda: “Manꞌda xʉn ho ꞌbʉ xtan yøtꞌ yʉ tꞌøhø nɛ yʉ nyuni xtan gogbahʉ, xinda gueꞌbʉ ga thoqui ga nuhʉ ran ʉnbi xʉn ʉ tho,” da ꞌyɛ̨n i ꞌda. 31 Nɛ gui pąhmbʉ, nuꞌbʉ xʉn ʉ tho ran ʉnbi bi tꞌørpa nꞌda ngue hinꞌyʉ rá tsꞌoqui, manꞌda xʉn ʉ tho da tꞌørpa ʉ ja yʉ́ tsꞌoqui, bi ꞌyɛ̨nꞌa ra Jesús ꞌbʉ mi xih yʉ xisu i zoni.
Jesús Carga Su Cruz
32 Nɛꞌʉ yoho yʉn ꞌyohʉ bi tsꞌitsꞌi ngue ꞌdarpʉ da thohʉ a ra Jesús. Pɛ gätho ʉ yoho mi ja yʉ́ tsꞌoqui ʉ. 33 Nɛ gätho bi zøm bʉ ja nꞌda ra nyuni tꞌɛ̨mbi ra yąxmu. Guepʉ bi mba ma cuati bʉ ra Jesús nɛꞌʉ yoho yʉn ꞌyohʉ. Nꞌda a nꞌda bi guarpʉ ja yʉ pontꞌi. 34 Nɛ nuꞌa ra Jesús bi ꞌyɛ̨na:
―Ma Taꞌi, dami punba a i ørcä ya yʉ jąꞌi, nguetho hingui pądi ꞌbɛꞌa i øtꞌe, bi ꞌyɛ̨nꞌa ra Jesús.
Nɛ nuꞌʉ yʉ dofʉi bi ꞌyøtꞌa nꞌda ran tąha toꞌo da gąxa rá pahni ra Jesús.
Jesús es Crucificado
Soldados apuestan por las Ropas de Jesús
―Nunʉ ran ꞌyohʉ bi pøꞌi ꞌda, i sä dim pøsɛ ya gueꞌbʉ gueꞌa ra Cristo rá Thahni Oją nʉ, bi ꞌyɛ̨nꞌʉ.
36 Nɛꞌʉ yʉ dofʉi ɛ̨mmɛ bi denthoho nɛ di säti di unꞌna ra vino xʉn ju, ɛ̨mbi da zi a ra Jesús. 37 Nɛ bi ꞌyɛ̨mbi:
―Nuꞌbʉ gueꞌe rá Hmutsꞌʉtꞌabi yʉ judío, damim pøsɛ ꞌbʉ, bi ꞌyɛ̨nꞌʉ yʉ dofʉi.
38 Nɛ mán tꞌoꞌtꞌi nꞌda ra xithɛ bʉ ja ra pontꞌi bʉ ja rá yą ra Jesús. Nɛ ntꞌoꞌtꞌi bʉ: “Nuna rá Hmutsꞌʉtꞌabi yʉ judío na.”
La Placa en la Cruz
39 Nɛ nuꞌa nꞌda ran ꞌyohʉ mi cuat rá pontꞌi mi ꞌbäpʉ nán ja rá hyo ra Jesús, bin sante thoho. Nɛ bi ꞌyɛ̨na:
―Nuꞌbʉ majuąni gueꞌe grá Cristo, hanja hin gám pøsɛ, nɛcäꞌbe xquí pøcꞌbe, bi tꞌɛ̨mpꞌa ra Jesús.
40 Pɛ nuꞌa manꞌda ran ꞌyohʉ mi cuarpʉ bʉya, bi hɛcpa a bin sante nɛ bi ꞌyɛ̨mbi:
―Ha xíngui tsꞌʉ guí su Oją, nɛ ꞌdatꞌa man ʉnbihʉ, bi ꞌyɛ̨na. 41 Pɛ nugüi, ran dąte rán säui a dá øtꞌui. Pɛ nuna ra Jesús, xíngui tsꞌʉ ran tsꞌo bi ꞌyøtꞌna, bi ꞌyɛ̨mbi.
42 Pɛ nubʉya, bi ꞌyɛ̨mpꞌa ra Jesús:
―Dami bɛ̨nc ꞌbʉ bin ja ni tsꞌɛdi ngue gui manda ua, bi ꞌyɛ̨na.
43 Nu ra Jesús bi ꞌyɛ̨mbi:
―Majuąni dí xiꞌaꞌi, ga sømmi nám pa ya bʉ mahɛ̨tsꞌi, bi ꞌyɛ̨mbi.
Convictos Crucificados
Bi du ra Jesús
44 Pɛ nuꞌbʉ huxyadi, bim ꞌbɛxui gätho ra ximhäi, asta gueꞌbʉ hyunde. 45 Nɛ nuꞌbʉ mim ꞌbɛxui, bin xɛngui nde ra ꞌbøꞌtꞌe i ndam bʉ mbo ra dąniją. 46 Nɛ nuꞌa ra Jesús ntsꞌɛdi bi mbafi, nɛ bi ꞌyɛ̨na:
―Ma Ta i, dadí däꞌa ma te ya, bi ꞌyɛ̨na.
Nɛ ꞌbex bi du bʉya.
47 Nɛ nu ra hmudofʉi mi ꞌbäpʉ, ꞌbʉ mi nu ꞌbɛꞌa bin ja, bi ꞌyɛ̨spa Oją, nɛ bi ꞌyɛ̨nsɛ:
―Majuąni nunʉ ran ꞌyohʉ hin te mi ja ra tsꞌoqui, bi ꞌyɛ̨na.
48 Nɛ gätho na ngu yʉ jąꞌi ꞌbäpʉ ngue yʉ nute, ꞌbʉ mi nu ꞌbɛꞌa bin ja, ꞌbex bi mba yʉ́ ngu, bi bɛ̨ndumbʉi nɛ bi hyonya thoho. 49 Pɛ nuꞌʉ yʉ́ amigo ra Jesús nꞌdanni tsꞌʉ mi ꞌbäi. Nɛꞌʉ ꞌda yʉ xisu mi tɛnꞌna ra Jesús ꞌbʉ mambá nɛxpʉ ja ra häi Galilea, gätho bi nu ꞌbɛꞌa bi tꞌørpa ra Jesús.
La Muerte de Jesús
Bi tꞌäꞌa ra Jesús
50,51 Nɛ mi ꞌbʉꞌa nꞌda ran ꞌyohʉ, í José, ra mɛngu bʉ ra hnini Arimatea, nꞌda rá hnini yʉ judío bʉ ra xɛqui Judea. Nuꞌa, ra hocꞌjąꞌi a, nɛ mi hnumansu. Nɛ mi tømꞌ ra pa di manda ua rá tsꞌɛdi Oją. Nꞌda rá ngʉrpi yʉ judío a, pɛ hinga ꞌdaꞌingu bi bɛ̨mhbʉ ʉ bi juąnba ra Jesús. 52 Nɛ nuꞌa ra José bi mba bʉ bí ꞌbʉh ra Pilato nɛ bi ꞌyäp rá ngøcꞌyɛi ra Jesús ngue da ꞌyägui. 53 Nɛ bi tong bʉ ja ra pontꞌi a ra Jesús. Nɛ bi mbantpa rá jąꞌi ra Jesús nꞌda ra hocꞌbøꞌtꞌe xʉn ho, nɛ bi gärpʉ ja nꞌda ra hyądo xínga nꞌdandį bi ꞌyo nꞌda ra du. 54 Nɛ nuꞌbʉ mi ꞌyägui, gueꞌa ra pa din sä yʉ jąꞌi ngue da nu ra pa ran säya.
55 Nɛ nuꞌʉ yʉ xisu, mi tɛnꞌna ra Jesús ꞌbʉ xí nɛxpʉ ja ra häi Galilea, bi dɛnꞌna ra José nɛ bi nu hapʉ bi jätꞌa ra Jesús, nɛ mi nu hapʉ án ja rá yą. 56 Nɛ nu yʉ xisu bi mba bʉya, di hoc ra ꞌyɛ̨thi i yʉmanꞌu, nɛ ra aceite da gospa rá jąꞌi ra Jesús. Pɛ nuꞌbʉ mi mbʉꞌa ra pa ran säya, bin säya tengu thoho bi mam bʉ ja yʉ́n tꞌɛ̨di.
Entierro de Jesús