Bi hocꞌa nꞌda ra jąꞌi mi tsꞌa rá jąꞌi
2
Nuꞌbʉ mi tho i tsꞌʉ ꞌda yʉ pa bi yʉt mahønꞌa bʉ Capernaum ra Jesús. Nuꞌbʉ mí ꞌyøh yʉ jąꞌi ngue ꞌbʉpʉ ja ra ngu, 2 ꞌbexque xʉn ngu bi zøm bʉ yʉ jąꞌi gueꞌbʉ go mi yupʉ mbo ra ngu nɛpʉ thi. Nu ra Jesús bʉya, bi xih rám hman Oja ʉ yʉ jąꞌi. 3 Nɛ nubʉya, bi zøm bʉ ꞌda yʉn ꞌyohʉ i tu nꞌda ra hyɛ̨nni ngue mí tsꞌa rá jąꞌi. Goho ma ꞌyohʉ ʉ yʉn dute. 4 Nɛ hingui sä da thopʉ ꞌbʉh ra Jesús nguetho mi dʉ bʉ yʉ jąꞌi. Janangueꞌa bi xøꞌtsꞌa nꞌda xɛqui ra ꞌbetꞌe, bi cąmpꞌʉ a ra hyɛ̨nni con rá ꞌbeza. 5 ꞌBex bi bąh ra Jesús ngue mi pą ʉ ngue i jasɛ rá tsꞌɛdi, nɛ bi ꞌyɛ̨mpꞌa ra hyɛ̨nni bʉya:―Nuꞌi, nꞌyø, ni tsꞌoqui ya xʉm punꞌni i, bi ꞌyɛ̨mbi.
6 Nɛ nuꞌʉ ꞌda yʉ xänbate niją, mi hupʉ. Nɛ nuꞌbʉ mí ꞌyøꞌa ꞌbɛꞌa i man ra Jesús, 7 bi ꞌyɛ̨nsɛ mbo yʉ́ mbʉi nꞌda ngu nꞌda: “Xina, hanja ni man na tengu na. Pɛ hingui numansu Oją na, njoꞌo nꞌda ra jąꞌi da zä di punba yʉ́ tsꞌoqui nꞌda, hinda høntꞌa Oją,” bi ꞌyɛ̨nsɛ yʉ́ mbʉi ʉ. 8 Pɛ nu ra Jesús ꞌbexque bi bątho ꞌbɛꞌa mbɛ̨n ʉ, nɛ bi ꞌyɛ̨mpꞌʉ:
―Hanja ngubʉ guím bɛ̨mhbʉ mbo ni mbʉihʉ. 9 Ha guím bɛ̨mhbʉ ngue nte ni mba tho a dá xicä na ran ꞌyohʉ ngue rá tsꞌoqui ya xʉm punbi. Ha guím bɛ̨mhbʉ manꞌda xquí pąhmbʉ ngue i ja ma tsꞌɛdi ꞌbʉ ga xifi da ndantsꞌi, da gąx rá fįdi din ꞌyo. 10 Pɛ nugä ngue dán jąꞌigä ua ja ra ximhäi, ga utꞌahʉ ya i ja man tꞌɛ̨di ua ja ra häi ngue ga punba yʉ́ tsꞌoqui nꞌda ra jąꞌi, jannangueꞌa ga japi din ꞌyo na ran ꞌyohʉ ya, bi ꞌyɛ̨n a ra Jesús.
Nɛ nubʉya, bi ꞌyɛ̨mpꞌa mí tsꞌa rá jąꞌi:
11 ―Nuꞌi, dí xi i, ndantsꞌi, cąx ni fįdi, ni mba ni ngu, bi ꞌyɛ̨mbi.
12 Nubʉya, ꞌbex bi ndantsꞌi, bi gąx rá fįdi, bi bøm bʉ i ja ra ngu. Nɛ bi nu ʉ gätho mi ꞌbʉpʉ. Nɛ bi hyonya thoho ʉ. Jannangue a bi ꞌyɛ̨spa Oją ʉ bʉya nɛ bi ꞌyɛ̨n ʉ:
―Njąmꞌbʉ xtá nuhʉ tengu a bin ja ya, bi ꞌyɛ̨n ʉ.
Nu ra Leví ꞌbex bi dɛnꞌna ra Jesús
13 Mꞌbɛjua bʉya xø bi mba mahønꞌa bʉ ja ra ndendądehe a ra Jesús. Nɛ mi søm bʉ yʉ jąꞌi nɛ mi xänba bʉ ʉ. 14 Nuꞌbʉ mi thopʉ ꞌbʉ a ra Leví, i hupʉ ja rá mɛxa gueꞌa ra hyącahäi a. Nuꞌa ra Leví rá tsꞌʉntꞌʉ ra Alfeo a. Nu ra Jesús bʉya bi ꞌyɛ̨mbi:
―Ba tɛngui.
ꞌBex bi ndantsꞌa ra Leví bʉya, bi dɛnni.
Jesús bin sihmɛhʉ yʉ tsꞌomꞌbäi
15 Nɛ bin sihmɛhʉ ra Jesús nɛ yʉ́ xädi bʉ ja rá ngu a ra Leví. ꞌDarpʉ bin sihmɛhʉ ꞌda yʉ ziyate hyącahäi nɛ miꞌda yʉ tsꞌomꞌbäi. Xʉn ngu mi ꞌbʉpʉ nguetho xʉn ngu ʉ ya xí ꞌyɛ̨cꞌyɛi a. 16 Nɛ nuꞌʉ ꞌda ma xänbatehe bʉ niją, yʉ fariseo ʉ, nɛ nuꞌbʉ mi nu ra Jesús nɛ yʉ́ xädi sihmɛhʉ ʉ yʉ ziyate hyącahäi nɛ yʉ tsꞌomꞌbäi nɛ bi ꞌyɛ̨mpꞌʉ yʉ́ xädi ra Jesús:
―Hanja ngubʉ øtꞌ ni Hmuhʉ. Hingui ho øtꞌa ngue i sihmɛhʉ yʉ ziyate hyącahäi nɛ yʉ tsꞌomꞌbäi, bi ꞌyɛ̨n ʉ.
17 Nuꞌbʉ mí ꞌyøh ra Jesús ꞌbɛꞌa bi man ʉ, bi ꞌyɛ̨mpꞌʉ:
―Nuꞌʉ im bɛ̨nsɛ xʉn zaqui hingui honi toꞌo da mbätsꞌi, hinda høntꞌʉ i pąsɛ in zämanꞌʉ i honi toꞌo da mbäx ʉ. Nɛ nugä bá ɛ̨cä ga fäx ʉ i pądi ja yʉ́ tsꞌoqui, him bá ɛ̨cä ga fäx ʉ im bɛ̨nsɛ yʉ hocjąꞌi, bi ꞌyɛ̨n a ra Jesús.
Ran tꞌänni nangue ʉ ɛꞌtꞌ yʉ́n sihmɛ
18 Nuꞌʉ yʉ́ xädi ra Xuua Nxixyą nɛ yʉ́ xädi yʉ fariseo mí ɛꞌtꞌ yʉ́n sihmɛ ʉ. Nɛ bi zøm bʉ ʉ ꞌda bʉ mí ꞌbʉh ra Jesús ngue bi ꞌyänni nɛ bi ꞌyɛ̨mbi:
―Hanja hingui ɛꞌtꞌ yʉ́n sihmɛ ʉ ni xädi nɛ i ɛꞌtꞌ yʉ́n sihmɛ ʉ yʉ́ xädi ra Xuua nɛ yʉ́ xädi yʉ fariseo, bi ꞌyɛ̨n ʉ.
19 Ra Jesús bi xiꞌa nꞌda ran tꞌuti ngue ran thąti ꞌbʉ mi dątꞌʉ, bi ꞌyɛ̨mbi:
―Pɛ nuꞌʉ i ꞌbʉpʉ ja ran thąti hin da du yʉ́ mbʉi nguetho ꞌbʉpʉ a ran ꞌyohʉ din thąti. Hin da ꞌyɛ̨na ngue hin din sihmɛ ʉ. 20 Pɛ da zøn ra ora da tsꞌispa a ran ꞌyohʉ nɛ ja da ꞌyɛꞌtꞌ yʉ́n sihmɛ bʉya, bi ꞌyɛ̨n a ra Jesús. 21 Nɛ nuꞌa din xä ʉ ma xädigä hin da bømanho ꞌbʉ nɛꞌa ra nyomhma da dɛn ya, tengu thoho ra naxca ꞌbøꞌtꞌe hin da zä di ꞌbøꞌtꞌa ra ꞌyaꞌbøꞌtꞌe nguetho da xɛ thoho mahønꞌa. 22 Nɛ ngutho a ra vino maꞌdaꞌyo hin da zä da sirpʉ ja ra ꞌyambotꞌasɛ̨i nguetho nuꞌa ra vino maꞌdaꞌyo da dʉn ꞌbʉ da sirpʉ nɛ dim fän a ra vino bʉya, gätho ꞌda dín tsꞌontho bʉya. Nuꞌa ra vino maꞌdaꞌyo i pa nsiꞌtꞌi bʉ ja yʉ mbotꞌasɛ̨i maꞌdaꞌyo, pi ꞌyɛ̨nꞌa ra Jesús ꞌbʉ mí dądi.
Bi tꞌɛ̨mbi i øtꞌ ra ꞌbɛfi ʉ yʉ́ xädi ra Jesús a ra pa ran tsꞌäya
23 Nɛ nuꞌa ra pa ran tsꞌäya bi mbähä yʉ́ xädi ra Jesús, bi thopʉ ja nꞌda rá huąhi yʉ trigo. Nu yʉ́ xädi bʉya i toc yʉ trigo bʉ bi thogui. 24 Nu yʉ fariseo bi nu ꞌbɛꞌa bi ꞌyøtꞌʉ yʉ́ xädi ra Jesús nɛ bi tꞌɛ̨mpꞌa ra Jesús bʉya:
―Hanja ngubʉ i øtꞌʉ ni xädihʉ ya nɛ i ma man tꞌɛ̨dihʉ hin dam pɛhmbʉ a ra pa ran tsꞌäya, bi ꞌyɛ̨nꞌʉ yʉ fariseo.
25 Pɛ nuꞌa ra Jesús bi ꞌyɛ̨mpꞌʉ:
―Ha hin guí nu bʉ ni søcuąhʉ ngue nɛ ra David bi mbɛsta rán tꞌɛ̨di Oją ꞌbʉ nꞌdandį ꞌbʉ min tumanthuhu bʉ bin ꞌyo nɛ ʉ min ꞌyohʉ. 26 Janangueꞌa bi yʉrpʉ ja rá ngu Oją nɛ bi zihʉ bʉ yʉ ꞌbøxthuhmɛ. Pɛ him mi sä xtán zi ʉ nɛ høntꞌʉ yʉ mbäją i sä da zi ʉ. Nɛ nu ra Abiatar, ra hmumbäją bʉ a, bi ꞌyɛ̨mpꞌʉ.
27 Nɛ xø bi ꞌyɛ̨na: