WAHYU
AHKAN YOHANES
Nopahtuk kesah
Auh Hotalak jok tonulih Yohanes ihtuh tonulih beteng ulun-ulun Kristen pononyorak kotului pocayak ngindoi Yesus Kristus arok noh Tuhan. Kitab ihtuh tonulih supayak nongak harapan khavun somangat ahkan paring ulun jok ngomasak ah, khavun nguan supayak idoh tehtap pocayak beteng doh pononyorak.
Luvang kitab ihtuh tumbuk tonulih mongenai Auh tahkan Hotalak khavun inon jok tonohtok Yohanes. Iyok monjelas ponotohtok erih hatin tandak-tandak. Dolang ulun jok pocayak jaman erih ngorehti tandak erih, totahpik ulun bohkon idoh mohalin ngorehti ah. Luvang kitab tuh arok pirak kali Yohanes monjelas dolang ajar barak mbak malik macam ponohtok-Ah. Arok tumbuk tafsiran mongenai kitab ihtuh, tahpik jok punak inti kongesah nuk luvang kitab ihtuh iyok noh nyihing Kristus, Hotalak ahkan ngalah dolang musuh-Ah khavun Iblis. Khavun ngindoi Hotalak was manang, Hotalak ahkan nongak hadiah yok erih surga jok bohuak khavun duniak jok bohuak ahkan ulun-ulun pocayak jok sotia mbak Iyok.