SURAT PAULUS
AHKAN
TITUS
Nopahtuk kesah
Titus iyam ulun Yahudi totahpik iyok was nyolong agamak Kristen, khavun iyok jadik jolahan Paulus khavun iyok dohop polayanan Paulus. Surat ihtuh tonulih ahkan Titus beteng hun erih iyok honong arok nuk pulou Kreta. Iyok tonohtah Paulus nuk anai supayak ngurus jemaat jok arok nuk Kreta. Arok toluk aꞌang jok pomarak nyihing surat ihtuh.
Topahtuk ah, Paulus ngingat Titus mongenai tobiat ulun jok touk jadik pomipin jomaat. Paulus marak aꞌang jok poduluk erih kotului tobiat ulun Kreta jok jaek.
Koduok ah, Paulus ngajar marak Titus mongenai bohkolo iyok soharus ah ngajar havoi aiu kolompok ulun jok jadik anggota jomaat erih, yok erih kolompok bahkas khavun bavik jok okok (idoh soharus ah ngajar ulun-ulun jok bio tahkan doh), kolompok dolang anak kinyam bio, khavun kolompok dolang jihpon.
Kotoluk ah, Titus kongajar mongenai bohkolo soharus ah tobiat ulun jok was jadik ulun Kristen. Jok punak poduluk ngindoi ulun Kristen alah pios adat basai ah khavun suhkak hokopios mbak ulun bohkon, arak baas ngomecik, khavun arak baas hotuhui ngindoi iyam nguan dolang ulun hobomilang icok mbak jok bohkon.