SURAT PAULUS JOK KODUOK
AHKAN
TIMOTIUS
Nopahtuk kesah
Surat Paulus Jok Koduok ah Ahkan Timotius Tumbuk tahkan suang surat ihtuh iyok noh ajar barak jok pomarak ahkan Timotius, iyok honong bio jolahan Paulus korejak khavun dohop nuk luvang polayan Paulus. Jok punak poduluk tahkan ajar barak erih iyok noh supayak Timotius tehtap borohon luvang kojorak ah. Iyok kongajar khavun ongak somangat supayak tuꞌuk-tuꞌuk ngesah tarung mongenai Tuhan Yesus Kristus, tahtup namit janjik jok arok nuk Perjanjian Lama khavun ajar barak mongenai Tarung Pios tahkan Hotalak. Khavun supayak Timotius tehtap korejak sobagai guruk khavun sobagai ulun jok ngesah Tarung Pios tahkan Hotalak, oluk poh noharep kojorak khavun ulun jok iyam hicok pahkat mbak iyok.
Paulus ngingat Timotius supayak arak umbak hobatah hojeleh jok iyam arok uliu ah. Batah jeleh jok kolo erih iyam arok gunai ah, tihkas ngorusak pihkir ulun jok nyonih ah.
Tahkan paring ah erih Timotius kongingat supayak iyok numui ah bohkolo komolum Paulus iyok erih kopocayak ah mbak Kristus, kosabar ah, kasih ah, khavun iyam puhtus asa nuk luvang kojorak jok kongomok ah beteng iyok pononyorak.