SURAT PAULUS JOK TOPAHTUK
AHKAN
TIMOTIUS
Nopahtuk kesah
Timotius arok noh ulun Kristen iyok honong bio khavun mocon nuk Asia koik, iyok dohop Paulus nuk luvang polayanan. Amai Timotius ulun Yunani khavun inai ah ulun Yahudi. Nuk luvang Surat Paulus Jok Topahtuk ah Ahkan Timotius, arok toluk aꞌang jok punak poduluk jok iyam taꞌai botohtah icok mbak jok bohkon.
Topahtuk, Paulus ngingat Timotius ngindoi arok ajar barak jok salak luvang jomaat erih. Ajar barak erih hobolouk mbak pihkir Yahudi mbak pihkir ulun jok iyam ulun Yahudi idoh pocayak ngindoi paring suang duniak was jaek, khavun kosolamat tihkas touk kongonduon ngindoi ulun tepun kopitar mongenai aꞌang jok kongorahasiak. Khavun pahtuh mbak dolang porahturan contoh ah yok erih iyam taꞌai horuh, iyam taꞌai kuman ukun ponguman jok palik ukun, khavun dolang porahturan jok bohkon ah hinok.
Jok koduok, bohkolo elah Timotius ngurus jomaat khavun ngurus ibadah. Paulus monjelas ah ahkan Timotius mongenai tobiat ulun jok touk jadik pomipin jomaat khavun polayan jomaat.
Jok kotoluk, Timotius kongajar bokolo iyok touk jadik jihpon Yesus Kristus jok pios khavun mongenai tanggung jawab ah ahkan sotiap kolompok ulun jok jadik anggota jomaat.