SURAT PAULUS JOK KODUOK
AHKAN JOMAAT NUK
TESALONIKA
Nopahtuk kesah
Mongenai polombut Kristus jok koduok ah, tumbuk nguan hobatah holang jomaat nuk Tesalonika, kotului arok salak paham mongenai polombut Kristus erih. Surat Paulus Jok Koduok Ahkan Jomaat Nuk Tesalonika, tonulih supayak nondok hobatah doh erih. Idoh mihkir ah ngindoi polombut Kristus jok koduok, was dahpot noh ohkot ah. Pihkir doh erih salak, hiyon Paulus. Tului, sojaham Kristus lombut hinok noku duniak, ahkan mahi-mahik aꞌang jok jaek nuk duniak, jok pomipin ah kotaan ulun sobagai “Kolunon jok Jaek” khavun jok ahkan ngolavan Kristus.
Paulus marak mbak tegas noku paring ulun jok ngomasak surat ah, ngindoi idoh alah tehtap pocayak mbak Kristus holuk poh komolum doh susah khavun idoh alah ngomok kojorak. Paulus ngajar marak ah supayak idoh havoi aiu korejak ahkan nyuhkup ukun ponguman idoh, havoi mbak Paulus khavun dolang jolahan ah. Koderih kak supayak idoh tuꞌuk-tuꞌuk nguan aꞌang jok pios.