Jaga-jagak beteng polombut Tuhan
5
Dolang bari-basak, ihkai yam poduluk nulih ahkan mik mirak jam khavun ondo ah aꞌang erih ahkan torjadik. 2 Ihkam was taꞌai ngindoi Hondo polombut Tuhan erih nyolengak kolo ulun nahko jok lombut beteng ngolomik. a 3 Ngindoi ulun marak ah kolihtuh: “Paring ah aman khavun linuh,” mahkak beteng erih noh idoh ahkan nyolengak marah, khavun iyam icok behtik pun jok touk buho. Aꞌang erih ahkan torjadik nyolengak, havoi mbak nanyam koporos beteng ulun bavik ahkan nganak. 4 Tahpik ihkam iyam ulun jok bolum bodosa kolo ulun jok bolum luvang pindong, sohinggak ondo erih iyam ahkan nokocit ihkam kolo polombut icok behtik ulun ponahko. 5 Dolang paring bari-basak kuk ihkam arok noh ulun jok bolum nuk luvang jok tarang, ulun jok bolum pios. Ihtok iyam nguan aꞌang jok jaek kolo ulun jok bolum pindong. 6 Kotului erih ihtok yam taꞌai tiruh bunang kolo ulun bohkon. Ihtok alah jaga-jagak khavun arak nguan kojolik arop tok. 7 Beteng ngolomik ulun tiruh, khavun beteng ngolomik kak idoh buso. 8 Totahpik ihtok arok noh ulun-ulun tarang, kotului erih noh arak nguan kojolik arop tok. Ihtok alah tehtap pocayak mbak Tuhan khavun mongasihi ulun bohkon. Erih kolo ihtok hatin kolambik umat jok ngolindung arop tok. Ihtok alah ngindoi khavun ngoharap Hotalak nyolamat ihtok. Erih kolo koluhkup umat jok ngolindung kuhung tok. b 9 Hotalak ngopilik ihtok iyam ahkan ngohukum, totahpik ahkan nyolamat tok nyihing Tuhan tok Yesus Kristus. 10 Iyok mahtoi ahkan tok supayak kotihkak Iyok lombut nain, beteng tok honong bolum ngindoi iyam beteng tok was mahtoi, ihtok touk bolum hicok humbak mbak Iyok. 11 Kotului erih, ihkam paring ah alah ngajar marak icok mbak jok bohkon supayak luvang kopocayak mik borohon, kolo jok konguan mik huntuh.Ajar barak
12 Dolang bari-basak ihkai nyavot mbak ihkam supayak ngolehkak idoh jok was nyangit korejak nuk holang kam paring ah, idoh jok ngonin ihkam noku jalan Tuhan khavun jok ngajar marak kam. 13 Ihkam alah ngolehkak khavun mongasihi idoh kotului inon jok was konguan doh ahkan mik. Bolum hokopios noh icok mbak jok bohkon.
14 Dolang barih basak, ihkai nyavot, ngajar marak ah mbak pios ulun jok beleu korejak. Nongak somangat ahkan ulun jok iyam somangat. Ngavat ah noh ulun jok poduluk kongavat khavun sabar noh noharep ulun bohkon. 15 Arak sapai aꞌang jok jaek pomalos mbak aꞌang jok jaek kak, ngotiak ah nguan aꞌang jok pios icok mbak jok bohkon khavun ahkan paring ulun.
16 Ngandah nulo noh ihkam. 17 Khavun nulo bodoa. 18 Nuk luvang paring aꞌang jok torjadik luvang komolum mik alah noh ihkam bosukur, kotului erih noh jok konganin Hotalak ihkam nguai ah sobagai ulun-ulun jok hicok mbak Yesus Kristus.
19 Arak nahan Roh Hotalak korejak luvang komolum muk! 20 Arak ngomok ah iyam poduluk dolang tanjik jok tonongak Roh Hotalak. 21 Paring tanjik alah tonikos inon leh erih tahkan Hotalak, khavun paring aꞌang jok pios alah konohasuk. 22 Arak noh ngoronik aꞌang jok jaek.
23 Nihak ngindoi Hotalak jok nongak tok damai sejahtra, nguan ihkam tuꞌuk-tuꞌuk bolum ahkai-Ah. Nihak ngindoi Hotalak jagak paring komolum muk, jagak moruam muk, behtim muk khavun hasong muk, sohinggak yarok kosalak muk beteng Tuhan tok Yesus Kristus lombut. 24 Hotalak jok was naꞌah ihkam, ahkan nguan aꞌang erih tului Iyok iyam pujik bobalik
25 Bodoa noh ahkan kai dolang barih basak!
26 Nongak ah noh salam ahkan barih basak jok was pocayak, numun ihkam baas nongak salam ahkan arik okak muk.c
27 Mbak kuasak Tuhan, ahkuk tuꞌuk-tuꞌuk nyavot supayak ihkam ngomasak surat tuh ahkan dolang barih basak jok pocayak mbak Yesus.
28 Nihak ngindoi Tuhan tok Yesus Kristus mokarah kopion ahtoi-Ah jok punak hajok ahkan mik.