Kojaek beteng ondo-ondo pongopah ah
3
Timotius nohouk ah noh ngindoi ondo-ondo pongopah ah ihtuh ahkan tumbuk kosusah. 2 Kotului ulun-ulun ahkan meting arop ah bongoi kiak, bokahuk mbak duit, ngohanyok arop ah bongoi khavun sahkah. Idoh suhkak ngohinak ulun, ngolavan mbak ulun okok khavun iyam taan doh botorima kasih, idoh iyam ngolehkak Hotalak. 3 Idoh iyam ahkan masik mbak ulun bohkon, iyam kanik ngapun ulun, suhkak ngonyaek ngaran ulun bohkon, iyam duon nahan arop doh, muhtus, idoh becik mbak aꞌang jok pios. 4 Idoh ngohianat, iyam bopihkir ombuk, ngomok arop ah kiyak jok punak poduluk, idoh suhkak ngohasuk kokanin arop doh jok jaek dari padak ngohasuk kokanin Hotalak. 5 Ahkan kolo ah kiyak idoh tuꞌuk-tuꞌuk sombayang, totahpik jok kotuui ah idoh ngomelek ajar barak jok hinut erih. Ngomacuk ah noh ulun-ulun jok kolo erih. 6 Arok pirak behtik nuk holang guruk-guruk palsu erih, idoh nyolong noku lohpo-lohpo. Khavun nguasak dolang bavik jok iyam horahtik jok tumbuk dosa ah, dolang bavik erih konguasak malik macam kojolik doh. 7 Dolang bavik erih nulo nikos bolajar aꞌang jok bohuak, totahpik idoh iyam pujik ngorehti inon leh ajar barak erih sosuai mbak kokanin Hotalak. 8 Guruk-guruk agamak erih idoh kolo Yanes khavun Yambres jok ngolavan Musa holuk, idoh ngolavan ajar barak jok hinut tahkan Hotalak. Ahtoi pihkir doh was rusak, khavun iyam nai tuꞌuk-tuꞌuk pocayak mbak Hotalak. a 9 Totahpik guruk-guruk erih iyam ahkan duon doh turus ngolanyat ulun, kotului kuong doh taan paring ulun, havoi mbak kolo Yanes khavun Yambres kak.Dolang ajar barak Paulus ahkan Timotius
10 Totahpik ihkok was umbot ngohasuk ajar barak kuk, tobiat kuk khavun jalan komolum kuk. Ihkok bongom was nohtok ah inon kolo kuk tuꞌuk-tuꞌuk pocayak umbak Yesus Kristus khavun masik mbak ulun bohkon. Ihkok nohtok kak bokolo kosabar kuk noharep paring mosalah, khavun bokolo ahkuk tuꞌuk-tuꞌuk nguan korejak kuk. 11 Ihkok was umbot nohtok ahkuk ponoyorak khavun kojorak. Ihkok taam paring aꞌang jok torjadik mbak ahkuk nuk Antiokhia, Ikonium, khavun nuk Listra. Ihkok taꞌai paring kojorak kuk nuk anai, totahpik Hotalak nyolamat ahkuk tahkan paring erih. b 12 Tuꞌuk noh ngindoi ulun jok kanik bolum khavun bolum hicok umbak Yesus Kristus ahkan ponoyorak. 13 Umbot erih ulun-ulun jok jaek khavun ulun jok baas nihpuk idoh ahkan somakin jaek, idoh ahkan ngolanyat ulun tahpik idoh halik was konolanyat kak. 14 Totahpik mongenai ihkok, Timotius, ihkok alah tehtap namit ajar barak jok hinut khavun jok was kongajar ahkam muk. Kotului ihkok taꞌai guruk-guruk jok ngajar kok erih idoh pahtut tok pocayak ah. 15 Ihkok alah ngingat ah tahkan kok koik muk ihkok was taꞌai Alkitab. Alkitab erih jok touk nguan ihkok horahtik sohinggak ihkok pocayak mbak Yesus Kristus khavun ihkok solamat konguai-Ah. 16 Paring jok tonulih luvang Alkitab tonongak Hotalak nyihing Roh-Ah. Gunai ah ahkan ngajar, mokarah kosalak, ngohinut tobiat jok salak khavun ngajar tok bohkolo bolum jok hinut. 17 Mahkak ulun jok molayan Hotalak idoh bohatik ajar barak jok hinut tahkan Alkitab, sohinggak idoh touk nguan malik macam korejak jok pios.