KESAH DOLANG RASUL
Nopahtuk kesah
Ponulih: Lukas.
Tema: Roh Kudus Nguan Koborhasilan Ngesah Tarung Pios Nyihing Dolang Rasul.
Toun ah tonulih: Sokitar 63 masehi.
Kitab Kesah Dolang Rasul iyok noh kitab kolanjutan Tarung jok Pios jok tonulih Lukas. Tujuan ah jok paling poduluk tahkan buhkuk ihtuh iyok noh, Molehte kesah mongenai murit-murit Yesus jok uwas konguasak Roh Hotalak.
Ngohavot Tarung Pios tentang Yesus. “Nuk Yerusalem, nuk Yudea, nuk Samaria khavun nyiring lain tanak nai.” Kis. 1:8.
Buhkuk ihtuh bokesah mongenai Kristen tahkan ulun Yahudi sohinggak soup nyiring jadik agamak nuk duniak.
Kitab Kesah Dolang Rasul ihtuh ngesah sojarah gereja Kristen jok paling portama. Ponulih kitab ihtuh poduluk kak nguan ulun jok ngomasak ah pocayak ngindoi ulun-ulun Kristen bohayak konguan ancaman polihtik ahkan korajaan Roma, totahpik agamak Kristen nuk nyompurnak agamak Yahudi.
Kesah Dolang Rasul tuh pomagik toluk bagian atau pombahasan. Nuk toluk pombahasan tuh kihtan nuk daerah-daerah atau wilayah jok unuk tarung pios mongenai Yesus kongesah, khavun gereja tonombok.
1. Jok topahtuh ah ulun Kristen nyalan nuk Yerusalem ulik Yesus nuhkat kuk surga.
2. Agamak Kristen konihan noku daerah-daerah Palestina sokitar ah. Khavun.
3. Jok paling hajok kongesah noku nogara-nogara laut tohun khavun nyiring korajaan Roma. Arok icok jok punak poduluk tahkan buhkuk Kesah Dolang Rasul ihtuh iyok noh: “Roh Hotalak jok borkuasak, nguasak nuk isung ulun-ulun pocayak nuk Yerusalem beteng ondo Pentakosta.”
Nuk luvang kitab ihtuh paring aꞌang jok tonulih tuꞌuk-tuꞌuk nyahtak nyangit ngindoi Hotalak nulo mipin gereja khavun nongak uhat ahkan dolang pomipin-pomipin ah.
Tarung Pios jok kongajar agamak Kristen beteng erih kongesah nitoi nuk luvang kotbah. Khavun paring jok torjadik nuk buhkuk tuh mokarah ah ngindoi tuꞌuk-tuꞌuk punak yamios kuasa ah Tarung Pios erih nuk luvang komolum ulun-ulun Kristen khavun nuk luvang hubungan gereja.