यहोन्ना बपतिस्मा ङेणे आले चा प्रचार
3
1 वा ङिहां में यहुदिया चे बरबिरयान में वचन ङिते हुले बपतिस्माa ङेणे आला यहोन्ना ओठे आला । 2 b ओ प्रचार करु लागला, “पापा ची माफी चे वास्ते मन फिरावा; कांकि स्वर्ग चा राज्य आणे आला छै ।” 3 c हा यहोन्ना ओही छै जेचे बारे में भविष्यवक्ता यशायाह ने चर्चा करती कने केहलेते ले: “ बरबिरयान जग्हा मां हेक साङ ङेणे आले ची आवाज छै, “कि प्रभु चा रस्ता तैयार करा, ते ओह्चे वास्ते रसते सीध्धे करा ।”4 d यहोन्ना ची ओढणी उंटा ची ऊनी लारे बणली आली हुती, ते ओ कड़ी पे चमड़े चा कमरब़न्ध ब़ाह्ले आला हुता । टिडिया ते बरबरियान शहद ओह्चा भोजन हुता । 5 ओबेले यरुशलेम शहर, सारा यहुदिया क्षेत्र ते यरदन नदी चे आसपास ची बन्दी ओह्चे गोढु भेली हुली, 6 जिंवे जिंवे लौका ने आपणे पापा नु मनले, ते ओह्णे यरदन नदी में वानु बपतिस्मा ङिला।
7 f जिसे बेह्ले ओह्णे ङेखले घणे सारे फरीसी ते सदुकीe ओह्चे गोढु बपतिस्मा गिहुं आई पले ओ वानु किहुं लागला; “ओ नागा ची ब़ाले। तम्हानु कने चेता ङिला कि तम्ही प्रभु चे भारी गुस्से कनु बचती निकला ? 8 gऐ वास्ते मन फिरावा चा फल आणा । 9 ते ना आपणे मना मां हा ना सोचा कि, ‘अम्ही अब्राहमh ची संतान छू:’। में तम्हानु किहे पला कि नरीकार अब्राहम चे वास्ते या पत्थरा मु वी ब़ाले पैदा कर सगे । 10 i पेड़ा ची जड़ा पे कुहाड़ा मिलीहिती चुकला । ते हर ऊ पेड़ जको आच्छा फल ना ङी बाढ़ती नाखले जहि ते बल्ति ओह्नु जाखते में झोंकती ङिले जहि’ 11 में तां तम्हानु मन फिराणे वास्ते पाणीयां लारे बपतिस्मा ङिऐ पर ओ जको माये बादा मां आणे आला छै, ओ माकनु इतना साम्रथी छै, कि मैं ओह्ची जुती चवंणे चे लायक कोह्नी, ओ तम्हानु खोद पवित्र आत्मा ते जाख्ते लारे बपतिस्मा ङी । 12 ओह्चे हाथा मां ओह्चा छाज हुवी, जेचे मां डाणा नु घास – फूस कनु अलग करी । सारै ड़ाणा नु चवी भेले करी, कोठड़िया में भरती नाखी, ते घास – फूस नु इसड़े जाखते मां नाखी जको कङी वी ब़ुझाणे लारे वी नी ब़ुझी ।
ईशु चा बपतिस्मा
(मरकुस 1.9-11; लूका 3.21, 22)
13 ओबेले ईशु गलील इलाके कनु टुरती कने यरदन नदी चे किनारे यहोन्ना गोढु बपतिस्मा गेहणे वास्ते आला । 14 पर यहोन्ना ने ईशु नु रोकणे चा जतन करते हुले केहले, “मनु तां खौद तोकनु बपतिस्मा गेहणे ची जरुरत छै: बल्ति तू माकनु का आला ?”
15 जबाब मां ईशु ने ओह्नु केहले, “हमा तां ऐनू ऐही तरीके लारे हु ङे । अम्ही, जको नरीकारा चावै ओह्नु पुरे करने वास्ते हाओ ठीक छै:।" बल्ति ओह्णे इसड़े ही हु ङिले ।