ɄNTWA nʉ malafyale ʉnsajigwa
Ʉlwɨmbo lwa Ndaabɨti.
110
ɄNTWA ikʉmmbʉʉla ʉntwa gwangʉ ikʉtɨ,“Itʉʉgasye kʉkɨbafu kyangʉ ɨkiilɨɨlo,
ʉkʉfika apa nikʉbabɨɨkaga abalʉgʉ baako,
paasi pa malʉndɨ gaako.”a
2 Gwe malafyale, ɄNTWA aikʉbaasya ʉbʉtwa bwako ʉkʉfuma mu Syoni,
ikʉtɨ, “Ʉlagɨlege abalʉgʉ baako boosa.”
3 Abandʉ baako bikwisa kwiningaga beene,
pi isikʉ lya bwite bwako.
Mbʉsisya bwa bwikemo bwako,
aabikwisa abalʉmyana baako,
bo ʉlwa ndʉngwa nʉlʉbʉnjʉ fiijo.
4 ɄNTWA alapile, atikwandʉla ɨsi iinogwine,
“Ʉgwe ʉlɨ mpuuti ʉgwa bwila na bwila,
bo muno aajɨɨliile Melekiseteki.”b
5 ɄNtwa alɨ kʉkɨbafu kyako ɨkiilɨɨlo,
aikʉbapondania abanyafyale bo akaleele.
6 Ikwisa kʉfilonga ɨfiisʉ nʉ kʉbagoga abandʉ bingi,
ikwisa kʉbapondania abalongosi baa pakiisʉ poosa.
7 Ʉmalafyale ikwisa kʉnwa amɨɨsi gaa kɨɨsi, kɨfuki nɨ njɨla,
ikwisa kwinʉla ʉntʉ gwake bo atolile.