Ʉlʉfingo lwa malafyale
Ʉlwɨmbo lwa Ndaabɨti.
101
Ngwɨmbaga ɨsya ipyana nʉ bʉgolofu bwako,gwe NTWA, ngʉkʉpaalaga ʉgwe.
2 Ngwijʉʉlaga ʉkwenda mu njɨla kɨsita kababye nakamo,
bʉle, kwisa kʉmyangʉ ndɨli?
Ngʉtʉʉgalaga nnyumba jangʉ,
nɨ ndumbula ɨnyeelu.
3 Andikwikyelaga nɨ mbombo ɨnyali.
Nsibengile ɨmbombo sya bandʉ abaniongafu,
ngaja na mbombo nasyo.
4 Ʉbʉniongafu boboosa bukʉjaga kʉbʉtali na niine,
ndikʉbombaga nasimo na bandʉ abaniongafu.
5 Ʉjʉ ikʉnheeha ʉnnine mbʉtiitʉ,
ngwisa kʉmpyuta.
Ʉgwa matingo nʉ lwijumbɨko,
ndiisakʉnndekaga.
6 Angʉbakeetaga abagolofu abaa pakiisʉ,
ʉkʉtɨ bo bajege pamopeene na niine.
Abandʉ aba bikwenda kɨsita kababye nakamo,
bo aba aabikʉʉmbombelaga.
7 Ʉnsyobi najʉmo atikwisa kʉtʉʉgala,
nnyumba mmyangʉ,
ʉntʉngʉlʉ andikʉmmwambɨlɨlaga.
8 Kʉkʉtɨ isikʉ angʉbapyutaga,
abaniongafu boosa nkiisʉ,
angʉbakaga nkaaja akaa NTWA,
ababomba mbiibi boosa.