Ʉlwɨmbo lwa lʉtuufyo
Ʉlwɨmbo ʉlwa kʉgwa ʉlʉpi.
100
Munnduluutɨlege ɄNTWA,ʉmwe mwe fiisʉ fyosa.
2 Mummwipuutege ɄNTWA nʉ lʉsekelo,
mwisege nkyeni mmyake bo mukwɨmba.
3 Mumanyege ʉkʉtɨ ɄNTWA jo Kyala,
jo ʉjʉ aatʉpelile, ʉswe tʉlɨ baake.
Ʉswe tʉlɨ bandʉ baake,
tʉlɨ ngʼoosi sya ndʉkʉbo lwake.
4 Munngwɨlege ʉlʉpi bo mukwingɨla pabʉjo bwake ʉbwikemo,
mumpaalege bo mukwingɨla ndʉpaso lwake,
munngwɨlege ʉlʉpi nʉ kʉjɨtuufya ɨngamu jaake.
5 Namanga ɄNTWA mooloolo,
iipyana lyake lya bwila na bwila,
ʉbwanalooli bwake bwa masikʉ goosa.