Ʉlwɨmbo lwa lʉtuufyo
95
Isaga, tʉmmwɨmbɨlege ɄNTWA nʉ lʉsekelo,tʉlaatege ʉkʉsekela kʉ lwalabwe ʉlʉ lukʉtʉpoka!
2 Twisege, tʉgwege ʉlʉpi nkyeni mmyake,
tʉsekelege nʉ kʉmpaala nɨ nyɨmbo.
3 Namanga ɄNTWA jo Kyala ʉNkʉlʉmba,
jo Malafyale ʉNkʉlʉmba, alɨ pamwanya pa gyabaakyala gyosa.
4 Ɨsooko sya kiisʉ silɨ mmaboko gaake,
pamwanya pa fyamba poope paake.
5 Ɨnyanja joope jaake, namanga aajɨpelile jʉʉjo,
amaboko gaake gaakɨbʉmbile ɨkiisʉ ɨkyʉmu.
6 Isaga, tʉfugame, tʉmmwipuutege,
tʉfugame nkyeni mu NTWA ʉjʉ aatʉpelile.
7 Namanga ʉmwene jo Kyala gwɨtʉ,
ʉswe tʉlɨ bandʉ baa ndʉkʉbo lwake,
kangɨ tʉlɨ ngʼoosi syake.
Kyala ikʉbasoka abandʉ baake
Lɨɨlɨno lɨnga mukʉpɨlɨka iisyʉ lyake,
8 ɄNTWA aatile, “Mulɨngajaga nɨ ndumbula ɨngafu,
bo ʉlwa biisʉkʉlʉ bɨɨnu kʉla kʉ Meliba,
bo ʉlwa isikʉ lɨla kʉ Masa, ndʉngalangala.a
9 Pala abiisʉkʉlʉ bɨɨnu baalɨɨngelile nʉ kʉmbɨma,
na paapo baasibwene ɨsi naababombiile.
10 Ɨfyɨnja amalongo mana naabakalaliile,
naatile, ‘Abandʉ aba bikʉsoba amasikʉ goosa,
bakiigana ʉkʉsikonga ɨnjɨla syangʉ.’
11 Po ndɨnkʉkalala, ndɨnkʉlapa,
ndɨnkʉtɨ, ‘Batikwisa kwingɨla sikʉ pabʉjo bwangʉ ʉbwa kʉtʉʉsya.’ ”b