Ʉlwɨmbo lwa kʉkapaala akaaja kaa Jelusalemu
Ʉlwɨmbo ʉlwa Banya Koola.
87
ɄNTWA ajengile akaaja kaake,pa kyamba kyake ɨkiikemo.
2 ɄNTWA akaganile akaaja akaa mu Syoni,
ʉkʉkɨnda ʉtwaja toosa ʉtwa mu Isilaɨli.
3 Gwe kaaja kaa Kyala,
sikʉjobigwa kʉmyako ɨsisya. Sela
4 “Ngʉfumusya ɨsya bandʉ abaa mu Misilia na mu Babeli,
boope abaa nkiisʉ ɨkya mu Filisiti, ɨkya mu Tili nɨ kya mu Ityopija,
ʉkʉtɨ abeene aabikʉjamo ndɨ aba baameenye ʉne,
nʉ kʉtɨ abeene aabikʉbaligwa ʉkʉja benekaaja baa mu Syoni.”
5 Nalooli abandʉ bikwisa kʉtɨgɨ, “Kʉkʉtɨ mundʉ aapaapiigwe mu Syoni,
Kyala ʉNkʉlʉmba ikʉkalɨndɨlɨla akaaja kala.”
6 ɄNTWA ikwisa kʉfisimba ɨfikolo fya bandʉ ʉkʉtɨ,
“Boosa benekaaja baa mu Syoni.” Sela
7 Bikwisa kʉmogaga nʉ kwɨmba, bikwisa kʉtɨgɨ,
“Ɨnyiibʉko sya sajo syɨtʉ sikʉfuma mu Syoni.”