Ʉkʉkɨsʉʉmɨla ʉbʉpoki ɨkiisʉ kya Isilaɨli
Ʉlwɨmbo ʉlwa Asafu.
79
Gwe Kyala, ɨfikolo ɨfya bapanja fingiile nkiisʉ kyako,fijɨnyasiisye ɨtempeli jaako ɨnyiikemo.
Akaaja kaa Jelusalemu fikoonangile,
kajile kɨsaame.
2 Figɨtaagile ɨmifimba gya babombeli baako,
ʉkʉtɨ silyege ɨnjʉni ɨsya mu mpaalanga,
ɨmibɨlɨ gya biikemo baako ʉkʉja findʉ fya findingo.
3 Fyonile ɨliilopa lyabo bo ʉlwa mɨɨsi,
nkaaja koosa akaa mu Jelusalemu,
akajapo ʉjʉ asyele ʉgwa kʉbasyɨla.
4 Abapalamani bɨɨtʉ bikʉtwila,
aba batʉsyʉngʉʉtiile, bikʉtʉʉgɨɨlɨla nʉ kʉtʉkinɨla.
5 Gwe NTWA, kʉtʉkalalɨlaga mpaka ndɨli?
Ɨngalalɨsi syako sikwakaga bo ʉlwa mooto mpaka ndɨli?
6 Ʉbʉkalale bwako ʉfyonele ɨfikolo ɨfi fikakʉmanya,
nʉ bʉnyafyale bwa aba batikʉkwipuuta ʉgwe.
7 Namanga babanyaafwile abandʉ baako,
nʉ kʉkyonanga ɨkiisʉ kyabo.
8 Ʉlɨngatʉlonga kʉ mbiibi sya biisʉkʉlʉ bɨɨtʉ,
ʉtʉpaakɨsye, gwise mbɨbɨmbɨbɨ,
toonywike amaka loosa.
9 Gwe Kyala, ʉtʉtʉʉle gwe mpoki gwɨtʉ,
kʉnongwa jaa bʉsisya bwa ngamu jaako,
ʉtʉpoke, ʉtʉswe ɨmbiibi syɨtʉ, kʉnongwa jaa ngamu jaako.
10 Fiki ɨfikolo fitɨgɨ, “Kyala gwabo alɨ kʉʉgʉ?”
Ʉswe tʉkʉbone bo kʉfibukɨsya ɨfikolo fya bapanja,
aba boonile iilopa ɨlya babombeli baako.
11 Ʉpɨlɨke ɨnguuto jaa aba balɨ mu nnyololo,
ʉbaabʉle na maka gaako aba balongiigwe ʉkʉgogigwa.
12 Ʉbabukɨsyege bwila abapalamani bɨɨtʉ,
namanga bakʉtʉkile, gwe Ntwa.
13 Po twe bandʉ baako,
twe ngʼoosi sya ndʉkʉbo lwako,
tukʉkʉgwɨlaga ʉlʉpi bwila na bwila,
tukʉfumusyaga ɨmbombo syako amasikʉ goosa.