Kyala jo ʉjʉ ikʉbalonga abandʉ
Kʉ mpaali gwa lwɨmbo. Ʉkʉkongana nʉ lwɨmbo ʉlʉ bikʉtɨ, Ʉlɨngoonanga. Ʉlwɨmbo ʉlwa Asafu.
75
Gwe Kyala, tukʉgwa ʉlʉpi kʉmyako,tukʉgwa ʉlʉpi namanga ʉlɨ kɨfuki!
Abandʉ bikʉsijoba ɨmbombo syako ɨsisya.
2 Kyala ikʉtɨ, “Ngʉbaatɨka akabalɨlo,
jo ʉne angwisa kʉlonga kʉ bʉgolofu.
3 Na paapo ɨkiisʉ na ɨfi filimo fikʉtetema,
jo ʉne nsyɨmiike kanunu ɨmbanda syake. Sela
4 Ngʉbabʉʉla abaa matingo ngʉtɨ,
‘Muleke ʉkwituufya.’
Kangɨ kʉ batʉlanongwa ngʉtɨ,
‘Somma ʉkwijumbɨka,
5 mulɨngiituufyaga,
kangɨ mulɨngajobaga amasyʉ agaa matingo.’ ”
6 Ʉbʉlongi bʉtikʉfuma kʉbʉsookelo,
pamo kʉbʉjongelo, pamo mmatengele.
7 Looli Kyala jo ʉjʉ ikʉbalonga abandʉ,
ikʉnsulusya jʉmo nʉ kʉmmwinʉla ʉjʉngɨ.
8 Namanga ɄNTWA akolile ɨkɨkombe,
kiiswile ɨfinga ɨngalɨ ɨjaa ngalalɨsi syake.
Ikʉkʉʉsya abatʉlanongwa boosa bikʉnwa,
bikʉnwa joosa pyu lɨtikʉsyalapo ni itondobya nalɨmo.
9 Looli ʉne angʉsifumusyaga ɨmbombo syake bwila,
angʉmmwɨmbɨlaga ʉkʉntuufya Kyala gwa Jaakobo.
10 Kyala ikʉtɨ, “Angʉsoosyamo amaka gaa batʉlanongwa,
looli angʉgakasya amaka agaa bagolofu.”