Ʉlwipuuto lwa kʉsajigwa na Kyala
Kʉ mpaali gwa lwɨmbo. Ʉlwɨmbo lwa kwɨmbɨla ɨfyombo fya mbote.
67
Kyala atʉpaakɨsyege, atʉsajege,ɨkyeni kyake kɨtʉmulɨkɨlege. Sela
2 Ɨkiisʉ kyosa kɨjɨmanyege ɨnjɨla jaako,
ɨfikolo fyosa figamanyege amaka gaa bʉpoki bwako.
3 Gwe Kyala, abandʉ bakʉtuufyege,
abandʉ boosa bakʉtuufyege ʉgwe.
4 Ɨfikolo fyosa fisekelege,
kangɨ fyɨmbege nʉ lʉsekelo.
Namanga kʉbalonga abandʉ kʉ bʉgolofu,
nʉ kʉfilongosya ɨfikolo fya pakiisʉ. Sela
5 Gwe Kyala, abandʉ bakʉtuufyege,
abandʉ boosa bakʉtuufyege ʉgwe.
6 Ɨkiisʉ kɨbotwile ɨmboto jaa findʉ.
Kyala, ʉjʉ jo Kyala gwɨtʉ, atʉsajile.
7 Kyala endelelege ʉkʉtʉsaja,
abandʉ boosa pakiisʉ bantiilege.