Ʉlwipuuto ʉlwa kʉsʉʉma ʉbʉlɨndɨlɨli
Kʉ mpaali gwa lwɨmbo. Ʉlwɨmbo ʉlwa Ndaabɨti ʉlwa kwɨmbɨla ɨfyombo fya mbote.
61
Gwe Kyala, ʉpɨlɨke ɨnguuto jangʉ,ʉpɨlɨkɨsye ʉlwipuuto lwangʉ.
2 Ngʉkʉlɨlɨla ʉkʉfuma kʉbʉtali fiijo,
bo ɨndumbula jangʉ jɨjeetile.
Ʉʉndongosye ʉkʉfyʉka kʉmwanya,
pa kyamba ɨkɨtali pa bʉponelo.
3 Namanga ʉgwe gwe bʉbopelo bwangʉ,
gwe ilinga lya maka kʉ balʉgʉ.
4 Ngʉnyonywa ʉkʉtʉʉgala nnyumba jaako bwila na bwila,
ndengaanege kʉʉsi kʉ mapɨko gaako. Sela
5 Gwe Kyala, ʉsipɨliike ɨfingo syangʉ,
ʉmbeele ɨkɨlɨngo ɨkɨ kʉbapa aba bikʉkʉtiila.
6 Gongelepo ʉbʉʉmi bwa malafyale bʉje bʉtali,
ʉkʉtɨ agonege ɨfyɨnja fingi.
7 Gwe Kyala, ʉmalafyale alagɨlege bwila nkyeni mmyako,
iipyana nʉ bwanalooli bwako finndɨndɨlɨlege.
8 Po angʉkwɨmbɨlaga bwila ɨnyɨmbo ɨsya nduufyo,
ngʉsibombaga kʉkʉtɨ isikʉ ɨsi naafingile.