Ʉkʉsʉʉma ʉkʉlɨndɨlɨligwa kʉ balʉgʉ
Kʉ mpaali gwa lwɨmbo. Ʉlwɨmbo ʉlwa mahala ʉlwa Ndaabɨti, ʉlwa kwɨmbɨla ɨfyombo fya mbote. Lwalyɨmbiigwe bo aBasifi bafikile kwa Saʉli kʉkʉmmbʉʉla ʉkʉtɨ Ndaabɨti iibɨɨliile kʉmyabo.a
54
Gwe Kyala, ʉmboke mu ngamu jaako,kʉ maka gaako ʉʉnosye.
2 Gwe Kyala, ʉpɨlɨke ʉlwipuuto lwangʉ,
ʉpɨlɨkɨsye ɨsi ngʉjoba.
3 Abaheesya ababiibi bikʉngoma,
aba bakaja nɨ kɨsa bikʉlonda ʉkʉʉngoga,
abandʉ aba batikʉntiila Kyala. Sela
4 Nalooli Kyala jo ntʉʉli gwangʉ,
ʉNtwa jo ʉjʉ ikʉbʉlɨndɨlɨla ʉbʉʉmi bwangʉ.
5 Ʉbabukɨsye ʉbʉbiibi bwabo abalʉgʉ bangʉ,
mbʉsʉʉbɨligwa bwako ʉbapyute loosa.
6 Gwe NTWA, ngwikyelaga ʉkʉkʉsookesya iikemo,
ngʉkʉgwɨlaga ʉlʉpi, paapo ʉgwe ʉlɨ nnunu.
7 Namanga ʉmbokile mbʉtolwe bwangʉ boosa,
mbabwene abalʉgʉ bangʉ batoliigwe.