43
Gwe Kyala, ʉʉnosye, ngaja nsobi,ʉʉndɨndɨlɨle kʉ kɨkolo ɨkɨ kɨkaja kɨgolofu,
ʉmboke kʉ bandʉ abatʉngʉlʉ kangɨ baniongafu.
2 Kyala, ʉgwe ʉlɨ ilinga lyangʉ.
Fiki ʉndaagile?
Fiki nendege nɨ kɨtima?
Fiki mboneligwege na balʉgʉ?
3 Ʉndʉmɨle ʉlʉmuli lwako,
nʉ bwanalooli bwako, fiindongosyege.
Findwale kʉ kyamba kyako Syoni, ɨkiikemo,
pabʉjo ʉbʉ kʉjapo.
4 Po ngwisa kʉbʉʉkaga pa kɨgemo kya Kyala,
kwa Kyala ʉjʉ jo lʉsekelo lwangʉ.
Gwe Kyala, Kyala gwangʉ,
ngwisa kʉkʉpaala ni ipango.
5 Gwe ndumbula jangʉ, ʉsulumeenie fiki?
Kʉlalamuka fiki nkatɨ mmyangʉ?
Nʉnsʉʉbɨlege Kyala ʉkʉndʉʉla,
po angʉmpaalaga kangɨ Kyala, ʉmpoki gwangʉ.