Ʉmalafyale ʉnsisya
Ʉlwɨmbo ʉlwa Ndaabɨti.
24
Ɨkiisʉ na fyosa ɨfi filimo fya NTWA,boosa aba bikʉtʉʉgasya ʉmo baake.a
2 Namanga jo ʉjʉ aalyaliisye ʉlwalo lwa kiisʉ pa nyanja,
aakɨkatiike pamwanya pa mɨɨsi amingi.
3 Jwani aikʉfyʉka pa kyamba kya NTWA?
Jwani aikwɨma pabʉjo bwake ʉbwikemo?
4 Jo ʉjʉ alɨ na maboko ameelu,
nɨ ndumbula ɨnyeelu.
Ʉjʉ atikʉsʉʉbɨla ʉbʉlosi,
ʉjʉ atikʉlapa kʉ bʉsyobi.
5 ɄNTWA aikʉbasaja,
Kyala, mpoki gwabo, aikʉbanosya.
6 Bo balɨ aba bikʉnndonda,
aba bikʉkʉnyonywa, gwe Kyala gwa Jaakobo. Sela
7 Mwe fipata, namwigʉke,
mwe nyiigi ɨsya ijolo, mwipenengʉle,
ʉkʉtɨ ʉMalafyale ʉnsisya ingɨle.
8 Jo jwani jo Malafyale ʉnsisya?
Jo NTWA ʉgwa maka goosa.
Jo NTWA ʉmponjoli mbwite.
9 Mwe fipata, namwigʉke,
mwe nyiigi ɨsya ijolo, mwipenengʉle,
ʉkʉtɨ ʉMalafyale ʉnsisya ingɨle.
10 Jo jwani jo Malafyale ʉnsisya?
Jo NTWA gwa filʉndɨlo,
ʉmwene jo Malafyale ʉnsisya. Sela