ɄNTWA jo ntiimi gwɨtʉ
Ʉlwɨmbo ʉlwa Ndaabɨti.
23
ɄNTWA jo ntiimi gwangʉ,ndikwagɨlwa nafimo.
2 Ikʉʉndambalɨka pa lʉkʉbo pa ndeka ɨnunu.
Ikʉndwala pa mɨɨsi amanunu.
3 Ikʉgʉsangalʉsya ʉmoojo gwangʉ,
ikʉʉndongosya mu njɨla ɨngolofu,
ʉkʉtɨ jɨɨmɨkigwege ɨngamu jaake.
4 Nalɨnga ngwenda ndʉsooko lwa ngiisi jaa bʉfwe,
ndikʉtiilaga nafimo,
paapo ʉlɨ pamopeene na niine.
Ʉnso gwako nɨ ngili jaako fikʉʉsʉʉbɨsya.
5 Kʉndegelekesya ɨfindʉ,
nkyeni mbalʉgʉ bangʉ.
Kʉmbaka amafuta pantʉ gwangʉ,a
ɨkɨkombe kyangʉ kikʉlefuka.
6 Nalooli iipyana lyako nʉ bʉnunu bwako,
fikwisaga kʉmyangʉ mbʉʉmi bwangʉ boosa.
Ngʉjaga nnyumba jaa NTWA bwila na bwila.