Ʉlʉtuufyo kʉnongwa jaa bʉtoli
Kʉ mpaali gwa lwɨmbo. Ʉlwɨmbo ʉlwa Ndaabɨti.
21
Gwe NTWA, ʉmalafyale ikʉsekela kʉ maka gaako.Ahobwike fiijo, gwalɨntʉʉlile ʉkʉtola.
2 Ʉmpeele ɨfi aalondaga.
Ʉkakaana ɨfi akʉsʉʉmile. Sela
3 Gwalɨmmwagile, gwalɨmpeele ɨsajo ɨnunu,
nʉ kʉmfwɨka ɨngɨga jaa sahabʉ ɨnunu.
4 Aakʉsʉʉmile ʉbʉʉmi, gwaliitiike.
Gwalɨmpeele ʉbʉʉmi bwa bwila na bwila.
5 Ʉbʉsisya bwake bʉkʉlʉmba paapo ʉmpeele ʉbʉtoli.
Ʉmmwɨmiike, ʉmpeele ʉbʉsisya.
6 Kʉmpapo ɨsajo sya bwila na bwila,
ahobwike paapo ʉlɨ pamopeene nagwe.
7 Ʉmalafyale ikʉnsʉʉbɨla ɄNTWA,
kwi ipyana ɨlya Kyala ʉNkʉlʉmba atikʉtoligwaga.
8 Gwe malafyale, ɨkɨboko kyako kya maka,
aakikʉbakola abalʉgʉ baako boosa.
Ɨkɨboko kyako ɨkiilɨɨlo,
aakikʉbakola boosa aba bikʉkʉpɨnga.
9 Aakʉboneka nʉ kʉbakosya boosa,
bo ʉlwa mooto ʉgwa kɨgemo.
ɄNTWA aikʉkalala nʉ kʉbapyuta,
nʉ kʉbakosya loosa mmooto.
10 Gwe malafyale, aakʉbapyuta abaanaabo boosa pakiisʉ.
Ʉlʉjungu lwabo aalʉtikʉjapo loosa.
11 Nalɨnga babaatiike ʉkʉkʉbombela kabiibi,
ɨmbaatɨko syabo aasikʉtoligwa.
12 Aakʉbapela ʉkʉbopa,
bo kʉlʉʉlɨka ɨmitipʉlo pamaaso gaabo.
13 Gwe NTWA, gwɨmɨkigwege kʉ maka gaako.
Tukwɨmbaga nʉ kʉbʉtuufya ʉbʉtoli bwako.