Ʉlwipuuto ʉlwa kʉsʉʉma ʉbʉlɨndɨlɨli
Mikitami.a Ʉlwɨmbo ʉlwa Ndaabɨti.
16
Gwe Kyala, ʉʉndɨndɨlɨle ʉne,namanga mbopiile kʉmyako.
2 Naajobile kʉ NTWA naatile, “Ʉlɨ Ntwa gwangʉ,
fyosa ɨfinunu ɨfi ngʉkaba fikʉfuma kʉmyako.”
3 Boope abiikemo aba balimo nkiisʉ muno,
abeene bo banunu, bo aba niikyeliile nabo.
4 Aba bikʉkonga ɨnyiiho sya bandʉ,
bikwijongelela ʉbʉtolwe.
Andikʉgɨsookesya gyabaakyala amakemo agaa ilopa,
ɨngamu syabo ndikʉsijobaga.
5 Gwe NTWA, ʉʉfwene,
kʉmba fyosa ɨfi ngʉlonda.
Ʉbʉʉmi bwangʉ bʉlɨ mmaboko gaako.
6 Gʉʉmbɨɨkiile ɨmipaka ɨgya kaaja ɨminunu fiijo,
eena, ngabile ɨkɨlɨngo ɨkya kʉhobosya.
7 Ngʉntuufya ɄNTWA ʉjʉ ikʉʉndongosya,
pakɨlo ɨndumbula jangʉ jikʉʉmanyisya.
8 Nammbonaga ɄNTWA nkyeni mmyangʉ bwila,
ʉkʉtɨ ndɨngajʉngaanikaga, paapo ntʉʉli gwangʉ bwila.
9 Ɨndumbula jangʉ jikʉhoboka,
ʉlʉlɨmi lwangʉ lukʉluluutɨla,
ʉmbɨlɨ gwangʉ gʉlɨ jonjolo loosa,
10 paapo ʉtikʉʉndeka ʉne mbʉsyʉka,
ʉtikwitɨkɨsya ʉkʉtɨ ʉmbɨlɨ gwa mwikemo gwako gʉbolege.
11 Gʉʉnangiisye ɨnjɨla ɨsi sikʉtwala kʉ bʉʉmi,
kwisa kʉʉhobosya fiijo,
nkɨboko kyako ɨkiilɨɨlo, silimo ɨnunu ɨsya bwila na bwila.b