Ʉmundʉ ʉjʉ abagiisye ʉkʉja na Kyala
Ʉlwɨmbo ʉlwa Ndaabɨti.
15
Gwe NTWA, jwani ikʉtʉʉgalaga pabʉjo bwako ʉbwikemo?Jwani ikʉjengaga pa kyamba kyako ɨkiikemo?
2 Jo mundʉ ʉjʉ ikwenda kɨsita kababye nakamo,
ʉjʉ ikʉbomba ɨsya bʉgolofu,
ʉjʉ ikʉjoba ɨsya bwanalooli,
3 ʉjʉ atikʉbatʉngʉlʉpɨla abandʉ,
ʉjʉ atikʉmmbombela ɨmbiibi ʉnnine,
ʉjʉ atikʉnheeha ʉmpalamani gwake.
4 Ikʉbasyokela ababomba mbiibi,
looli ikʉbɨɨmɨka aba bikʉntiila ɄNTWA.
Atikwandʉla ɨsi alapile,
nalɨnga sikʉmfulasya.
5 Ikʉkopesya atikwega ɨsya kʉkabɨlako,
atikwambɨlɨla ɨfihombigwa ɨfya kʉhongigwa,
ʉkʉtɨ amfulasye ʉnsita nongwa.
Ʉmundʉ ʉjʉ ikʉbomba ɨsyo,
atikʉjʉngaanika sikʉ.