Kalata gwa
Ɨsabʉli
Ɨkɨjabo ɨkya kwanda
(Ɨsabʉli 1–41)
Ʉlʉsekelo ʉlwa nalooli
1
Asajiigwe ʉjʉ atikʉsikonga ɨnongwa ɨsya baniongafu,ʉjʉ atikwenda mu njɨla ɨsya batʉlanongwa,
ʉjʉ atikʉtʉʉgala palɨ aba bikwila.
2 Looli ɨndagɨlo sya NTWA syo ɨsi sikʉnkyela,
ikʉsiinogona pamuusi na pakɨlo.
3 Ʉjo alɨ bo ʉlwa mpiki,
ʉgʉ gʉbyaliigwe mumbalɨ mu nyiibʉko sya mɨɨsi,
ʉgʉ gukʉpa ɨseke pakabalɨlo kaake,
na maani gaake gatikʉkofuka.
Syosa ɨsi ikʉsibomba sikʉja nunu.
4 Looli abaniongafu bakaja bo ʉlo.
Abeene balɨ bo ʉlwa mikʉkʉʉjɨlo ɨgɨ gikʉbelelʉsigwa nʉ mbelo.
5 Po leelo abaniongafu batikwisa kʉpona ʉkʉlongigwa,
abatʉlanongwa batikwisa kʉjamo nkɨlʉndɨlo ɨkya bagolofu.
6 Namanga ɄNTWA ikʉsilɨndɨlɨla ɨnjɨla ɨsya bagolofu,
looli ɨnjɨla ɨsya baniongafu silɨ kɨfuki ʉkʉpyutigwa.