Hèbùdéèpa i

Pɔ̀kàta pà wà̰haà-ta Hèbùdéèpa

Cetá kam̀má

Pɔ̀kàtà mɛntà, nìì pú yá̰á̰ mɛ̀ǹǹ tà wà̰haà-ko. Ye yaǹn de tà wà̰haà weèdɔɔ̀pa mɛ̀m̀pà de mun pú tṵḿ-pa-dà dɛ́dɛ́í Weèdi wɛmá hḭ́ǹka, kà pa yàma cɔ̰háà, kà pà kpɛ̀i é tón pa pa̰á̰kpɛ̰́m̀ma mɛhɛká. O mɔ́nń há̰ yá̰á̰-ma dɛ́dɛ́í Weèdi wɛmá pɔkàkpɛ̰́ǹta wɛmá tá, k'ò tóńkú-ní ta mɛhɛká yohènamá è kpɛ̀i é pà bɛka è yɔ̀ Sèsíì-dà ha̰tà niìi wɛǹni: Ò ha̰tà-á-ma Weèdi tɔtɔndipá, è ha̰tà Mɔ̀yísì, nà Ànɔ́ɔ̀, nà Sòsùwéè, é yídá è ha̰tà dɔ̀hàka pà de pa̰kú-ka wɛǹni.

Ò de pú kpɛ̀i pá tón pa pa̰á̰kpɛ̰́m̀ma mɛhɛká, ye kú kpɛ́mú-dà tee k'ò de tṵ́má pà kɔ̰́ɔ̰́ teḿma dɔ́ɔ́di, è kpɛ̀i é yahikàna pa wɔ̰̀ǹti kà pá dɔ̀hà púsí pa dandaní, è yá̰á̰ Sèsíì pú cehèni (Hb.13.8).

Ǹtɛ ta wɛmá tṵn-tṵǹkaàma ma tɔɔ̀ma:

He1.1-3: Kídísì-dà yòǹ Weèdi bɛkàma mɔ́mmá.

He 1.4-2.18: Kídísì ha̰tà-á-ma Weèdi tɔntɔndipá.

He 3.1-4.13: Kídísì ha̰tà-á-ma Mɔ̀yísì nà Sòsùwéè.

He 4.14-7.28: Kídísì dɔ̀hàdi tɔmú ha̰tà-á-ma dɔ̀hàka yam̀ma kpɛ́mú.

He 8.1-9.28: Kídísì múnáma ha̰tà-á-ma cecemá.

He 10.1-39 Kídísì pa̰à̰ dɔ̀hàdi nìcɔ̰́-dà, dèǹdèni-dà mɛ̀ɛ dɛɛ̀.

He 11.1-40 Dekáà dandankpeèka yam̀ma pàcɔ̰́.

He 12.1-13.19 Tencí dɔ́ɔ́di nà yentása cakàma.

He 13.20-25 Cɔhàma nà dɔɔ̀mu dèǹdèmu.