Tɛ̀sàdòníkìpa Pɔkàdɛ́ɛ̀ta i

Pɔ̀kàta Pɔ́dì wà̰haà-ta Tɛ̀sàdòníkìpa

Cetá Kam̀má

Pɔkàdɛ́ɛ̀tà mɛntà kú mɛhɛká, Pɔ́dì tṵ́mà tóní wɛmá màcɔ̰́mà kú hḭ́ǹka-dà k'ò de mà dɔ̀haà o pɔ̀kàta cecetá mɛhɛká, kà mà há̰ káà sɔ̰ncí è buupú Tɛ̀sàdòníkì weèdɔɔ̀pa yàma. Ye wɛmá-dà de héé pà de maàhu-sá Kídísì tóḿma-ní hḭ́ǹka. Pàcɔ̰́ de maàhu è tonà Kídísì yɔ̀ɔ tóḿpu-dà-ní. Kà tɔɔ̀pa é yee tɔmú è yɔ̀ fòùku yɔ̀ɔmá koò pú dɛu, ye wɔ̀ni è fòù nà mɛ̀m̀pà dehú-pa kú nɔɔ̀ti. Ye kú yammàhàkà de pú sà. Kà de kɔkapú Tɛ̀sàdòníkì weèdɔɔ̀pa pemá-dà. Ò wà̰haà ye pɔ̀kàtà, è kpɛ̀i é dɔ̀hà-ka-dà.

Pɔ́dì pà wà̰haà é wekàna è yɔ̀ Kídísì pú kó tóní, kà « Mɛkatohiká yaǹn », mɛ̀ǹǹ kó yee-kó Weèdi nà Kídísì kpɛ́ɛmá pú dɛnà é tɛ̀ni kà sḭ̀ḭ̀ma é pidá. Ye kú kpɛ́mú-dà tee kà Pɔ́dì de é teń Tɛ̀sàdòníkì weèdɔɔ̀pa è yɔ̀ pá m'púsí Weèdi wɛmá, é n'kpenì weèdɔɔ̀pu mɛhɛká.

Mɛmà kú bookú-dà ò tṵ̀ǹ-tṵ̀nà-ma o wɛmá o pɔkàdɛ́ɛ̀ta mɛhɛká:

Ts-d 1.1-2 : Dɔɔ̀mu.

Ts-d 1.3-12 : Pɔ́dì cóńtí Tɛ̀sàdòníkì weèdɔɔ̀pa nà dandaní pà káá-di, nà tasíma pà káá-ma fá̰kápàma mɛhɛká. Weèdi kó wáńtá síi-í-ma mɛ̀m̀pà pà diinì-pa náńkú.

Ts-d 2.1-12 : Pɔ́dì dɔ̀hu yetáma Tɛ̀sàdòníkì weèdɔɔ̀pa de pa̰à̰-ma Kídísì tóḿma-ní hḭ́ǹka.

Ts-d 2.13-17 : Yè békú pá n'kpenì-í-ma dandaní hḭ́ǹka.

Ts-d 3.1-5 : Ò pà cɔ̀hu è yɔ̀ pá m'pa̰kú weèdɔɔ̀pu, é n'tṵ̀n ni wɛmá, é n'káá dɔ́kàma.

Ts-d 3.6-15 : Mɛ̀m̀pà pú kpɛ̀i é deha-pá wɛmá.

Ts-d 3.16-18 : Dɔɔ̀mu nà kónáma.