Tɛ̀sàdòníkìpa Pɔkàcecetá i

Pɔ̀kàta Pɔ́dì wà̰haà-ta Tɛ̀sàdòníkìpa

Cetá Kam̀má

Tɛ̀sàdòníkì yɔtí péé heedí pà toò-di Kɛ̀dɛ́sì weèdi dɔkúma-dà, Màsèdɔ́nì tenpáàku mɛhɛká. Ye yɔtí de yòǹ taakú yɔtí-dà, kà cà̰ma dɔ́ɔ́di tì péé. Sùwífùpa bookú de wɛhi-í-ma ti mɛhɛká. Pɔ́dì de cetà ye weèdɔɔ̀-nàmɔ̀nì o cà̰ǹku dɛ́ɛ̀kú mɛhɛká-dà, è nɔɔ̀-nà Sìdásì nà Tìmɔ̀téè. Àmá, Sùwífùpa pàcɔ̰́ de pú teháà o biɔhànamá, ye wɔ̀ni kà p'óò bɔ̀hà k'ó yɛ̀dì ye yɔtí nà cokamú. P'òò dènà-ma ma kú bookú ye yɔtí, k'òo bɔ̀ti é m'pudì n'ɔ̀ɔ nìpa mɛ̀m̀pà kɔ̰́ɔ̰̀-pa pa cɔ̰́ɔ̰̀di Weèdi kpɛ́mú k'yè mun pú yókáà. Mɛmá-dà k'ó tɔn Tìmɔ̀téè pa pesá è yɔ̀ ó taá dɛ́há-ní pa kpemú yòma Weèdi cɔ̀ku mɛhɛká. Kà Tìmɔ̀téè é taá é konà-ní wɛnaamá pa dandaní hḭ́ǹka, k'yé ò naaka sàma. Ye wɔ̀ni-dà ò pà wà̰haà-ma ye pɔ̀kàtà é pà cóńtá é sɛɛ-nà Weèdi.

K'ó tuɛ̀ha é wekàna wɛmá màcɔ̰́ mɛ̀mà de yɛ̰̀ḭ-má Tɛ̀sàdòníkì weèdɔɔ̀pa k'yé n'yònà: Kpíípa yá̰ńtáma, Teó tóḿma-ní, mɛ̀m̀pà de pú kpɛ̀i-pá é deha, nà tɔɔ̀sa tɔɔ̀sa.

Ǹtɛ o pɔ̀kàta wɛmá tṵnà-ma ma tɔɔ̀ma:

Ts-c 1.1 : Dɔɔ̀mu.

Ts-c 1.2-10 : Tɛ̀sàdòníkìpa dandaní nà wɛ̰́ɛ̰́ma pà káá-ma fá̰kápàma mɛhɛká.

Ts-c 2.1-12 : Pɔ́dì wɛì è yení o tɔmú kpɛ́mú.

Ts-c 2.13 háá 3.13 : Tɔnáma.

Ts-c 4.1-12 : Tencí pà kó hḭmá é n'fòù wenkú mɛhɛká.

Ts-c 4.13 háá 5.11 : Pɔ́dì wekànì o biɔhànamá ò de kɔ̰́ɔ̰̀-ma kpíípa yá̰ńtáma hḭ́ǹka nà Teó tóḿma-ní.

Ts-c 5.12-28 : Tencí dèǹdèǹci, dɔɔ̀mu nà kónáma.