Kòdɔ́sìpa i

Pɔ̀kàta Pɔ́dì wà̰haà-ta Kòdɔ́sìpa

Cetá Kam̀má

Pɔ́dì-dà wa̰à̰haà ye pɔ̀kàtà mɛntà é tà kɔ̰́ɔ̰́-hɔ̰ Kòdɔ́sì yɔtí weèdɔɔ̀pa. Ò mum pú tadí daadí yènì Kòdɔ́sì yɔtí, àmá ò yèkaà è yɔ̀ weèdɔɔ̀pa mɛ̀m̀pà péé-pa ka bɛ́ka púsí-ma dɛ́dɛ́í Weèdi cɔ̀ku hḭ́ǹka. Ò dapàǹn Èpààfásì-dà pà cakaà Weèdi wɛnaamá.

Kà beeká kàcɔ̰́kà é ka̰há, kà tɔɔ̀pa tɛ̀ni è cakú nìpa tɔɔ̀sa yècḭ́ḭ̀ k'yè ceń-nà Weèdi wɛnaamá Èpààfásì de pà cakáà-ma. Pà de pà cakú è toò kà mɛ̀ǹǹ kpɛ̀i-kó Weèdi óò fḭ́hìna, ò yònà é n'dɔń Weèdi tɔntɔndipá-dà, nà tɔɔ̀sa mìì wɛhi-nà-sa niìfòùpa. Pà tṵ́mà de pà cakáà è yɔ̀ pà yònà é ca̰m-ma, pà mɛ̀ɛ pú yònà é dii dimá wɛǹni. Kà Èpààfásì é taá hɔ̰́tá Pɔ́dì Hɔ̀dɔ́m̀ yɔtí ò péé-sa kóodeedí mɛhɛká é mà n'ɔ̀ɔ̀ caka. Pɔ́dì yèkaà tḭ́ń wɔ̀ni-dà mɛma, é pà wà̰hà è kó pà bɛka è yɔ̀ dandaní cɔ̰́ɔ̰̀di Kídísì hḭ́ǹka-dà kó nɛɛ́ hédá kà nìi é dɛ́tá fḭ́hìnamá.

Ǹtɛ ye pɔ̀kàtà wɛmá tṵnà-ma ma tɔɔ̀ma:

Kòdɔ́sìpa 1.1-2: Dɔɔ̀mu

Kòdɔ́sìpa 1.3-14: Sɛdàma weèdɔɔ̀pu

Kòdɔ́sìpa 1.15-2.19: Kídísì yòǹ-ko n'ɔ̀ɔ̀ pa̰à̰-sa

Kòdɔ́sìpa 2.20-4.6: Fòm̀pàm̀mu nà Sèsí-Kídísì

Kòdɔ́sìpa 4.7-18: Dɔɔ̀mu dèǹdèmu