Kɔ̀dɛ́ńtìpa Pɔkàdɛ́ɛ̀ta i

Pɔ̀kàta Pɔ́dì wà̰haà-ta Kɔ̀dɛ́ńtìpa

Cetá Kam̀má

Pɔ̀kàtà mɛntà yòǹ pɔ̀kàta tɔɔ̀ta-dà Pɔ́dì de wà̰haà-ta Kɔ̀dɛ́ńtìpa. Ò de yeèkaà mìì de pa̰kú-sa-dà Kɔ̀dɛ́ńtìpa cɔhɔ̀ka k'yè pú sudi, è kó tɔ̰ɔ̰̀ta mɛnń nà mɛmpá pa dópàti.

Bɛ̀m̀bɛ̀ni cecedí mɛhɛká, Pɔ́dì wɛì ò de pa̰à̰-ma kú bookú-dà o tɔmú è yòǹ Sèsíì tɔntɔndikó. Biɔhàna-kpákpààpa-dà de centì è cɔ̰hú o yèdi, è cakú è yɔ̀ ò pú yòǹ Kídísì tɔntɔndikó mɔ́nń. Pà de pɛnti pà kó hḭmá-dà é yehèna Kɔ̀dɛ́ńtìpa nà pa biɔhànamá, kà pá yɛ̀dì Pɔ́dì dàhàka, é tóní pa bɛ́ka. Ò pà wà̰hu ye pɔ̀kàtà-ní è kpɛ̀i é yeda o tɔmú kpɛ́mú-dà (wɛyudí 1-7). Bɛ̀m̀bɛ̀ni dɛ́ɛ̀di mɛhɛká, k'ò de pà cɔ̀hà è yɔ̀ pá tɔ́hɔka dící, é tempanà pa weèdɔɔ̀tɔ̀pa mɛ̀m̀pà de péé-pa Sèdìsàdɛ́m̀ yɔtí (wɛyudí 8-9). Tɔɔ̀sa mìì de tee-sá ye pɔ̀kàtà wa̰hàma-dà héé, ó pà caka è yɔ̀ ò péé-ho pa hɔ̰́ɔ̰́hí o ta̰á̰ma, pá pa̰á̰ sɔ̀do óò codá (wɛyudí 12).

Ǹtɛ ye pɔ̀kàtà wɛmá tṵǹ-tṵ̀ǹkaàma ma tɔɔ̀ma :

Kɔ̀d-d 1.1-2 : Dɔɔ̀mu

Kɔ̀d-d 1.3-11 : Weèdi yɔ́dàma fá̰kápàma mɛhɛká.

Kɔ̀d-d 1.12-6.13 : Pɔ́dì cà̰ǹci wɛkú, nà mìì ò dodì-sa o tɔmú mɛhɛká.

Kɔ̀d-d 6.14-7.1 : Nɛ dá pɛ́dá nà fòùku kpɛ́ɛpá.

Kɔ̀d-d 7.2-16 : Kɔ̀dɛ́ńtìpa bantà pa yetáka k'yé naaka Pɔ́dì.

Kɔ̀d-d 8.1-9.15 : Tencí dící tɔ́hɔ́kàma hḭ́ǹka é tempanà Sèdìsàdɛ́m̀ weèdɔɔ̀pa.

Kɔ̀d-d 10.1-12.21 : Pɔ́dì yení o tɔmú kpɛ́mú.

Kɔ̀d-d 13.1-13 : Tencí dèǹdèǹci nà cɔɔ̀ma.