Anyaarubha a yimbërë e
Yohana
Obhukangati
Anyaarubha a yimbërë e Yohana, teeghutara eriina re mwandëki, amare nekorighibhu kubha, omwandëki n‑Yohana, uno andëkiri Angʼana Anchömu e Yohana ne eghitabhu ghe Kohunyurëru. Yohana ꞉naandëkiri anyaarubha ino hano are amanyiri mo‑moghya o Ebheeso mo‑se e Asiya. Chaasiko chino ahaghiro hayo hakobherekeru Bhoturuki.
Hano Yohana andëkiri anyaarubha ino m‑mugharuka are. Totaanyi no obhuhëënë ighoro e nyaarubha ino kubha nyingake ꞉ayaandëkiri, amare neere ghate e meeka 85-95 korwera hano Yesu Kirisito ibhoriiru.
Mo‑nyaarubha ino a yimbërë nabhaandëkiire Abhakirisito bhayo kubha abhatöngërë ighoro e riimanya re Ghekirisito na abhashaangʼi ighoro e meeghi gha bhuröngö. Mbaare‑ho abheeghi abhamu bhano ꞉bhaare bhatighiri amakanisa (2:18–27), bhaakabha bhariinaaranaara ino na ino na ghusanchi ameeghi gha bhuröngö. Wiiki Yohana ꞉naahënëriire obhuhëënë bho bhokumi bho Ghekirisito, kubha abhaköngʼi na kobhatoora omukörö. Mo‑meeghi ghaache ꞉naasiikëriire ighoro e bhosiighi, na kwabhërana, no obhughöötani, na ghokinda amasari, no obhuhöru bho miishe ghyose no obhutööbhiyu.