5
Kira Omuchaama Omokoro naare araahoru koru mo‑bhaghëndi bhaache,
kubha imeererere amangʼana gha Ryobha gho ghiri e bhaato.
Wiiki iwe nahaaruuseri Eryobha amaruusi na chatyenyi che ghosireekereri gho ghiri e masari gha bhaato.
2 Iwe naghotora kobharigheri changori abhaghëndi bhaache bhano bhateeche na bhano bhakobhora gho ghuköra amasari gho kubha woose n‑omuköri o masari.
3 Kiyo nikyo,
gheghughëri aruusi amaruusi gho ghiri e masari ghaache omwene,
na aramara aruusi amaruusi aghande gho ghiri e masari gha bhaato abhande.a
4 Taanyi‑ho omooto uno are ariitoora omwene kubha Omuchaama Omokoro,
amare Eryobha eryene niryo rehaamwahura,
kinya bhuno ryahwire Haruuni.b
5 Hangʼu hangʼu,
Kirisito woose tiitabhariire omwene asooko e kubha Omuchaama Omokoro,
amare Eryobha niryo remwahwire na komobhoorera kubha,
“Iye niiye Omoona waane,
eni reero nibheere Iso waacho.”c
6 Wiiki ahaghiro ahande Eryobha ꞉ndeebhughiri mo‑Mandëkö Amatööbhiyu kubha,
“Iye niiye Omuchaama o miishe ghyose,
kinya bhuno Merikiseteekid are.”e
7 Eriibhagha Yesu are mo‑se ino,
꞉naasabhiri,
na ghusasaama na korera chwee ambërë e Ryobha rino reenyi na changuru che komotoori koru mo‑roko.
f Eryobha ndyoghwire amasabhi ghaache gho ghiri e kwinyööhi kooche.
8 Nangabha Yesu are Omoona o Ryobha,
꞉neeghiri koresooka Eryobha,
gho kohetera anyaako ino emobhwine.
9 Kurëngʼaana na ghayo,
Eryobha rekamohikeerani na kurëngʼaanera kubha simoka e bhotoori bho miishe ghyose gho ghiri e bhaato bhoose bhano bhakomosooka.
10 Eryobha ndemotooriri kubha Omuchaama Omokoro kinya bhuno Merikiseteeki are.
Atöngërö ighoro e ghotigha obhokumi
11 Ntoonyi na maaru gha ghosiikëra ighoro e Yesu kubha Omuchaama Omokoro,
amare n‑ghuköngʼu kobhabhoorera gho kubha inyu taanyi bhahoho ghoghamënya.
12 Kwo riibhagha rino mongabheere mumariri kubha abheeghi bha bhaghëndi bhaanyu,
amare inyu mokeere mörëënda omooto ache abheeghi ameeghi a mambërë gha ngʼana e Ryobha!
Mbe,
inyu moonyi kinya ebhengʼwerere bhino bheghughööka okwene,
bhetaaghotora kurë ebhiinyakurë ebhiköngʼu.
13 Mbe,
omooto uno aghughööka okwene,
uyo akeere omoona,
teeche kwahukani amachömu na amabhe.
14 Amare abhantomonkoro mbahaaraaghëra ebhiinyakurë ebhiköngʼu,
ibho mbeeghiri na mbanariri kwahukani amachömu na amabhe.