Anyaarubha e Bhawuro gho
Tiito
Obhukangati
Anyaarubha ino ꞉yaandëkuru no Bhawuro, omotomu o Yesu Kirisito (1:1). Ekeenyuma hayo hano are akeere koyandëka, Bhawuro naare araköra emeremo ghe Ryobha haghirohamu na Tiito mo‑gheghinga ke mo‑nyancha iyo Kireete. Bhawuro achekumara koru iyo, akamwandëkëra Tiito anyaarubha ino ere na amëërëkërëri haghare haghare ighoro e kwimeererera abhakumi bha iyo Kireete (1:5). Bhawuro ꞉naamoheere Tiito emeremo ghe kwahura abhagharuka bha riikanisa (1:5–9). Wiiki ꞉naamusasaamiri kobhaköngʼi abhakumi bha Kireete, gho kubha ahaghiro hayo mbaare‑ho abheeghi bhaaru bha bhuröngö (1:10–16).
Ahaghiro haaru mo‑nyaarubha ino e Tiito, netuubhiine na anyaarubha a yimbërë e Bhawuro gho Timotewo. Nekorighibhu kubha chanyaarubha chino ibhere ꞉nchaandëkuru kwo riibhagha rimu. Örëënda kumënya bhoheene ighoro e ngʼana nyarebhe ino enyi mo‑nyaarubha ino, umööhi anyaarubha a yimbërë e Bhawuro gho Timotewo.