2 Timotewo 3

Obhobhe mo‑chaasiko che ntenero

Ibheere, umënyë kubha, mo‑rosiko ro ntenero, ndeekubha eriibhagha re nyaako chwee. 2 Eriibhagha riyo, abhaato mbaakubha bharisiigha abheene, na mbaakubha abhasiighi bha chambiiri, na mbaakubha bhariirighi, na mbaakubha ne emitu miköngʼu, na mbaakubha abhaato bha matoki, na bhataakobhasooka abhiibhori bhaabho, na bhataanyi no oghwitabheri, na bhataanyi no omukörö mwero. 3 Wiiki, bhataanyi no obhosiighi no omooto wowoose, na bhataakwënda koghwana, mbaakubha abhari bha bhaato, na bhataakubha ne ekirëngërë, na mbaakubha bhahaari, na bhataaghosiigha amachömu. 4 Mbaakubha abhiigharori, na bharaköra bhwango amangʼana ghano ghataanyi no obhwëra, na mbaakubha bhariihacha. Mbaakubha bharasiigha amiigha gha se, ghokera koresiigha Eryobha. 5 Abhaato bhayo, gho nche mbakorighibhu kinya abhaato bhano bhakorisëngëra Eryobha, amare mo‑metema gheebho mbakwanga changuru cheeche. Abhaato bha atëëmö iyo, wikabhaahe nabho.

6 Ghate yaabho mbaanyi‑mu bhano bhaghusöha kwo mukörö mobhe mo‑chaaka che bhaato, na kobhangʼiina abhakari abharaghaanu. Abhakari bhayo mbakeyuru na amasari, mbaghukangatu na amiigha gha manga maaru. 7 Mbakwegha chaasiko choose, amare bhataaghotora kumënya obhuhëënë. 8 Abhaato bhayo, bhaghusöha mo‑chaaka che bhaato, mbakwanga obhuhëënë, kinya Yaane na Yambure, bhano ꞉bhaashangʼaaniri na . Abhaato bhayo obhongo bhoobho m‑bhobhe, mbatighiri korekumi Eryobha. 9 Amare bhataaghotora kohika hohoose, gho kubha obhughëëghë bhoobho mbokumënyu na abhaato bhoose, kinya bhuno ere kwo Yaane na Yambure.

Amëërëkërëri gha Bhawuro gho Timotewo

10 Amare iye, nutambiine ameeghi ghaane, na atëëmö yaane, ne ekebhune keene, no obhokumi bhoone, no obhoghumereri bhoone, 11 no obhosiighi bhoone no oghwiköngʼëërëri koone. Weeche kebhuno abhaato bhanyirighwiri na kunyaaki, hano neere mo‑meghya ghe Antiyokiya, na Ikoniyo, na Risitura. ꞉Neeghumeriiri amaköngʼu ghoose, no Omutëmi aghantoori mo‑ghayo ghoose. 12 Mbe, bhoose bhano bhakomokumi Kirisito Yesu na mbakwënda kumanya eriimanya re korisëngëra Eryobha, mbaakubha bharanyaakibhu. 13 Amare abhaköri bha masari na abharöngö mbakwëndërëra kubha abhaköri bha masari chwee, mbaakubha bharangʼiina na kongʼiinu.

14 Amare iye, noonyi no obhuhëënë kubha amangʼana ghano weghuru n‑gha mahëënë. Ibheere uköngʼëri mo‑ghayo, gho kubha weeche bhano ꞉bhaakweghiri. 15 Wiiki, weeche Amandëkö Amatööbhiyu koru bhoona. Amandëkö ghayo ngaanyi no obhotoro bho ghokumënyi kubha obhotoori mbokubhönëka gho nchëra e komokumi Kirisito Yesu. 16 Amandëkö Amatööbhiyu ghoose ꞉ngaandëkuru kwo bhukangati bho Ryobha. Ghayo ngakurëngʼaanera kweghi obhuhëënë, na kobhashaangʼi abhaato kubha bhatighe obhobhe bhoobho, na kobharahuuna hano bhaghutaasi, na köbhëërëki kino ghekurëngʼaanera ambërë e Ryobha. 17 Gho ghayo, Amandëkö ghayo ngaghuköra abhaato bha Ryobha bhabhe bhiisëëmiri na ghusëëmibhu ghuköra amaköri amachömu.